21 кастрычніка 2022 года на факультэце міжнародных адносін Беларускага дзяржаўнага ўніверсітэта адбылася анлайн-лекцыя з кандыдатам філалагічных навук, дацэнтам дэпартамента англійскай мовы і прафесійнай камунікацыі Фінансавага ўніверсітэта пры Урадзе Расійскай Федэрацыі Цімко Наталляй Валер'еўнай. Лекцыя запланавана ў рамках дагаворных адносін з Фінансавым універсітэтам пры Урадзе Расійскай Федэрацыі і Праграмай "Запрошаны прафесар".
Арганізатарамі мерапрыемства выступілі кафедра англійскай мовы міжнароднай прафесійнай дзейнасці ў асобе загадчыка кафедры дац. С. А. Дубінка і Дэпартамент англійскай мовы і прафесійнай камунікацыі Фінансавага ўніверсітэта пры Урадзе Расійскай Федэрацыі ў асобе А. А. Калугінай, нам. кіраўніка Дэпартамента па навуковай рабоце. З Фінансавым універсітэтам у кафедры склаліся цесныя творчыя і прафесійныя адносіны ў выглядзе сумесных публікацый, арганізацыі сумесных канферэнцый, калектыўных манаграфій (дац. С. А. Дубінка, дац. М. П. Стараверава, дац. І. І. Клімава, дац. Кандрахіна Н. Г.). У дадзеным мерапрыемстве прынялі ўдзел дац. С. А. Дубінка, дац. А. І. Маркасьян , старшыя выкладчыкі кафедры А. П. Гіцкая , А. Н. Салавей , Т. В. Шміт.
Будучы экспертам у галіне тэорыі і практыкі міжкультурнай камунікацыі, Наталля Валер'еўна падрыхтавала для студэнтаў 4 курса спецыяльнасці "Сусветная эканоміка" лекцыю на тэму "Listening to the Air Communicating Across Cultures", ключавое месца ў якой заняла тэорыя высока-і нізкакантэкстуальных культур Э. Хола. «Чытанне паветра», гэта значыць счытванне кантэксту сітуацыі і вызначэнне паводзін у адпаведнасці з ёй, назіранне за навакольнымі, інтуіцыя — усё гэта да некаторай ступені ўласціва любой культуры свету. Але схільнасць не агучваць важную інфармацыю, каб суразмоўца сам «з паветра» дадумваў, што ж меў на ўвазе суразмоўца, — рыса высокакантэкстуальных культур (напрыклад, Японіі, Кітая, Карэі, Саудаўскай Аравіі). У Японіі нават з'явілася цікавае скарачэнне KY (ку:кі эмэнаі), г.зн. "не ўмее чытаць атмасферу".
Наталля Валер'еўна падзялілася адметнымі асаблівасцямі кожнай з культур і правяла са студэнтамі дыскусію на вызначэнне тыпу культуры розных краін. У ходзе анлайн-лекцыі і дыскусіі з аўдыторыяй былі выяўлены прычыны адрознення культур, раскрыта ўзаемасувязь паміж нацыянальнай мовай краіны і яе гісторыяй.
Акрамя таго, у ходзе абмеркавання былі закрануты пытанні недастатковага разумення і правалаў у камунікацыі, якія могуць узнікнуць у ходзе зносін прадстаўнікоў розных культур. Студэнты таксама прывялі прыклады са свайго асабістага і прафесійнага жыцця на дадзеную тэму.
Напрыканцы анлайн-сустрэчы арганізатары мерапрыемства і студэнты падзякавалі Наталлі Валер'еўне за інфарматыўную і карысную лекцыю і выказалі надзею на працяг плённага супрацоўніцтва!
Дар'я Вянско і Лізавета Карась, студэнткі 4 курса спецыяльнасці «Сусветная эканоміка»
