21 верасня 2022 года студэнты спецыяльнасці "Мытная справа" факультэта міжнародных адносін падрыхтавалі і правялі мерапрыемства ў сувязі з прафесійным святам - Днём мытніка. У рамках святочнай праграмы, арганізаванай кафедрай англійскай мовы міжнароднай прафесійнай дзейнасці, былі прадстаўлены тэматычныя відэа на англійскай мове.

Студэнты першага і другога курсаў расказалі пра тое, як бачаць сваю будучыню ў сферы мытнай справы, задалі пытанні студэнтам старэйшых курсаў.

Трэці курс падрыхтаваў віктарыну па мытнай тэматыцы і агульным пытанням навучання на факультэце міжнародных адносін у сістэме Kahoot! для праходжання анлайн. Праходжанне віктарыны выклікала агульную цікавасць і было ўспрынята з вялікім энтузіязмам. Пасля вызначэння пераможцаў былі ўручаны падарункі.

Студэнты чацвёртага курса расказалі аб сваёй падрыхтоўцы па спецыялізацыях і аб тым, што чакае спецыялістаў у сферы мытнай справы ў будучай прафесіі.

Мерапрыемства было праведзена пры арганізацыйнай падтрымцы дац. Трухан А. В., старшых выкладчыкаў Ахраменка Л.С., Натуркача М. В., выкладчыка Крэль В. К.

Прысутныя на мерапрыемстве студэнты ўсіх курсаў спецыяльнасці "Мытная справа" паглядзелі відэапрэзентацыі, праверылі свае веды і атрымалі вялікую колькасць пазітыўных эмоцый.

Паражынская Маргарыта, Чаратун Дар'я , студэнткі 3 курса спецыяльнасці "Мытная справа"