8 верасня 2022 г. студэнты-мэтавікі I курса спецыяльнасці «Мытная справа» пад кіраўніцтвам выкладчыка кафедры мытнай справы С. У. Саркіна наведалі Дзяржаўны інстытут павышэння кваліфікацыі і перападрыхтоўкі кадраў мытных органаў Рэспублікі Беларусь у рамках правядзення ў ім Дня адчыненых дзвярэй для студэнтаў, якія навучаюцца на спецыяльнасці "Мытная справа" ў розных універсітэтах Беларусі.
Будучыя мытнікі пабывалі ў мытнай лабараторыі, дзе змаглі азнаёміцца з парадкам правядзення экспертызы гісторыка-культурных каштоўнасцей, экспертызы наркатычных рэчываў і вырабаў з каштоўных металаў. Для іх былі арганізаваны практычныя заняткі па правядзенні пашпартнага кантролю, а таксама круглы стол «Задай пытанне мытніку», дзе студэнты змаглі задаць пытанні, якія іх цікавяць, як прадстаўнікам Інстытута, так і практыкуючым мытнікам.
Цікавай часткай праграмы стала наведванне вучэбна-трэніровачнага палігона Дзяржаўнага мытнага камітэта Рэспублікі Беларусь, дзе адбылося паказальнае выступленне кінолагаў. На палігоне студэнты змаглі азнаёміцца і атрымаць першыя навыкі правядзення мытнага надгляду і выяўлення ўтоеных тавараў у аўтамабілі, у тым ліку з дапамогай службовых сабак.
{gallery}2022/2022_09_08{/gallery}