Подождите, идет загрузка сайта ...

Аб'яўляецца адбор у каманду Беларускага дзяржаўнага ўніверсітэта для ўдзелу ў чарговым міжнародным конкурсе Willem C. Vis International Commercial Arbitration Moot-2023

Заданне для адбору даступна па спасылцы

Тэрміны правядзення адбору:

  • Падрыхтоўка кароткага мемарандума – не пазней за 20 верасня 2022 г., 24:00
  • Вусныя выступленні – 22 верасня 2022 г.

Тэматыка конкурсу: міжнароднае прыватнае права (Венская канвенцыя ААН аб дагаворах міжнароднай куплі-продажу тавараў 1980 г.) і міжнародны камерцыйны арбітраж.

Цікавыя ўражанні ўдзельнікаў? Пераходзь па спасылцы.

Магчымасці:

  • атрымаць паглыбленыя веды аб міжнароднай куплі-продажы тавараў і аб міжнародным камерцыйным арбітражы;
  • развіць юрыдычныя навыкі (падрыхтоўка пазіцыі па справе, складанне прававых дакументаў, выступленне ў арбітражы);
  • праявіць і праверыць сябе ў спаборніцтве са студэнтамі найлепшых юрыдычных школ з усяго свету;
  • прадставіць гонар БДУ на міжнародным конкурсе;
  • устанавіць прафесійныя кантакты па ўсім свеце;
  • павялічыць прывабнасць свайго CV і стаць канкурэнтаздольным на юрыдычным рынку.

Перыяд падрыхтоўкі: верасень 2022 г. – красавік 2023 г.

Тэрміны правядзення конкурсу:

Кастрычнік 2022 г. – студзень 2023 г. – падрыхтоўка пісьмовых дакументаў;

Красавік 2023 г. – вусныя прэзентацыі вочна ў Вене (арбітражны разбор).

Мова конкурсу: англійская.

Запрашаюцца да ўдзелу:

  • студэнты 2-4 курсаў;
  • студэнты магістратуры;
  • аспіранты

 Пажаданні да кандыдатаў:

  • наяўнасць жадання і магчымасці траціць на падрыхтоўку да конкурсу значную колькасць уласнага вольнага часу і сумяшчаць падрыхтоўку да конкурсу з навучаннем;
  • добрыя камунікатыўныя і прамоўніцкія здольнасці;
  • свабоднае валоданне англійскай мовай  (вуснай і пісьмовай), уключаючы валоданне юрыдычнай тэрміналогіяй (upper intermediate and above);
  • уменне працаваць у камандзе;
  • амбіцыйнасць;
  • стрэсаўстойлівасць. 

Трэнеры каманды:

Вядучыя трэнеры:

  • Т.У. Сысуеў (юрфак БДУ, адвакат, SBH Law Offices)
  • А.І. Анішчанка (ФМА БДУ, ЗТАА «Сарайнен і партнёры»)

Трэнеры:

  • Г. Салтановіч (юрфак БДУ, юрыст SBH Law Offices)
  • В. Дубешка (ФМА БДУ, ЗТАА «Сарайнен і партнёры»)

З інфармацыяй аб конкурсе можна азнаёміцца на афіцыйным сайце.

Уяўленне аб фармаце конкурсу і аб узроўні валодання англійскай мовай можна атрымаць пры праглядзе запісаў гульняў (у пошукавым радку набраць «Vis Moot»).

Вялікая просьба да ўсіх зацікаўленых асоб папярэдне азнаёміцца на ўказаных рэсурсах з інфармацыяй аб конкурсе і яго правіламі.

Па ўсіх пытаннях, звязаных з конкурсам, звяртацца да:

Ганны Салтановіч Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., тэлеграм @https://t.me/minipizhik

Валерыі Дубешка Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

 

 

Кантактная інфармацыя

  • Адрас: г. Мінск, вул. Ленінградская, 20
  • Паштовы адрас: 220030, г. Мінск, пр. Незалежнасці, 4
  • Тэлефон: +375 17 209 59 77
  • e-mail: fir@bsu.by

Палітыка ў дачыненні да апрацоўкі cookie-файлаў

Мы ў сацыяльных сетках