9 чэрвеня старшыя выкладчыкі кафедры рамана-германскіх моў міжнароднай прафесійнай дзейнасці Т. С. Шарупіч і Ю. І. Сіняўская прынялі ўдзел у якасці перакладчыкаў у анлайн-сустрэчы дэпутатаў Палаты прадстаўнікоў Нацыянальнага сходу Рэспублікі Беларусь з кіраўнікамі Камуністычнай партыі Федэратыўнай Рэспублікі Бразілія і яе прадстаўнікамі ў заканадаўчых органах краіны. Беларускі бок прадстаўлялі С. А. Сыранкоў, член Пастаяннай камісіі Палаты прадстаўнікоў Нацыянальнага сходу Рэспублікі Беларусь па міжнародных справах, М. Р. Голуб, член Пастаяннай камісіі Палаты прадстаўнікоў Нацыянальнага сходу Рэспублікі Беларусь па бюджэце і фінансах, І. А. Супрановіч, член Пастаяннай камісіі Палаты прадстаўнікоў Нацыянальнага сходу Рэспублікі Беларусь па працы. Варта адзначыць, што арганізатарам анлайн-сустрэчы выступіла Пасольства Рэспублікі Беларусь у Федэратыўнай Рэспубліцы Бразілія.
Кафедра рамана-германскіх моў міжнароднай прафесійнай дзейнасці выказвае падзяку выкладчыкам партугальскай мовы за забеспячэнне паслядоўнага перакладу для ўдзельнікаў сустрэчы.
