Ужо некалькі год магістранты нашага факультэта бяруць удзел у Міжнародным конкурсе навукова-даследчых работ бакалаўраў і магістрантаў "Філалагічная навука і адукацыя: традыцыі і інавацыі". Гэта вынік супрацоўніцтва кафедры ўсходніх моў і гуманітарнага аддзялення кафедры англійскай мовы міжнароднай прафесійнай дзейнасці. Конкурс праводзіцца з мэтай стымулявання даследчай работы сярод студэнтаў адукацыйных арганізацый вышэйшай адукацыі і ўцягвання моладзі ў правядзенне навуковых даследаванняў. Задачы Конкурса: 1) выявіць найбольш таленавітых студэнтаў, якія праявілі навуковае мысленне, даследчы патэнцыял і імкненне да павышэння ўзроўню навукова-даследчай работы; 2) распаўсюдзіць вынікі навуковых даследаванняў і стварыць умовы для міждысцыплінарнага дыялогу. На Конкурс прадстаўляюцца вынікі даследаванняў па наступных кірунках:
- Сучасныя тэндэнцыі ў лінгвістыцы.
- Міграцыйная лінгвістыка.
- Праблемы даследавання мовы і культуры.
- Праблемы даследавання культуры і літаратуры.
- Сучасныя тэндэнцыі ў айчынным і замежным літаратуразнаўстве і інш.
У гэтым навучальным годзе ў намінацыі "Сучасныя тэндэнцыі ў лінгвістыцы" перамогу ў Міжнародным конкурсе атрымаў магістрант факультэта міжнародных адносін спецыяльнасць "Усходазнаўства" Крыцук-Тарасаў Мікіта Іванавіч!
Шчыра віншуем і жадаем далейшых навуковых перамог!
