26 красавіка ў рамках Тыдня навукі на ФМА студэнты, якія вывучаюць англійскую як другую замежную мову на спецыяльнасці «Мытная справа», на занятку старшага выкладчыка Касцеравай Н.А. абмеркавалі тэму "Асновы кіналагічнай службы". Студэнткі трэцяга курса Дар'я Будаева і Юлія Кісялёва расказалі аб тым, якія пароды сабак часцей за ўсё дапамагаюць у барацьбе з кантрабандай і якімі навыкамі павінен валодаць службовы сабака беларускай мытні. У сваім выступленні яны асвяцілі парады зоапсіхолагаў аб тым, як правільна выхоўваць службовага сабаку, гісторыю стварэння кіналагічнай службы, колькасць кінолагаў у мытных органах і ўмовы жыцця службовых сабак.
У ходзе ажыўленай гутаркі студэнты прыйшлі да агульнай высновы, што сабакі дапамагаюць мытным органам не толькі ў пошуку і затрыманні наркотыкаў, але і валюты, акцызных тавараў. Сёння з'яўляецца шмат новых спосабаў незаконнага перамяшчэння тавараў. Гэта значыць, што кіналагічная служба запатрабавана і будзе развівацца.
У працэсе заняткаў студэнты мелі магчымасць абмеркаваць самыя актуальныя пытанні ў рамках гэтай тэмы з выкладчыкам на англійскай мове, што зрабіла занятак асабліва цікавым і інфарматыўным як у прафесійным, так і моўным аспектах.
Лопуць Дар'я, студэнтка 3 курса спецыяльнасці "Мытная справа"
