29 красавіка ў рамках Тыдня студэнцкай навукі ФМА на кафедры англійскай мовы міжнароднай прафесійнай дзейнасці прайшло пасяджэнне круглага стала Current issues of contemporaneity:causes, consequences, solutions - Актуальныя праблемы сучаснасці: прычыны, наступствы, шляхі рашэнняў
Студэнты 3 курса спецыяльнасці «Мытная справа» пад кіраўніцтвам старшых выкладчыкаў кафедры англійскай мовы міжнароднай прафесійнай дзейнасці Тамарынай Алы Сяргееўны і Юмагулавай Маргарыты Рашытаўны разгледзелі глабальныя праблемы, з якімі сутыкаецца сучаснасць. Падчас мерапрыемства Яна Марыніч закранула праблему транспарціроўкі жывёл, Лізавета Чыслова расказала аб мерах барацьбы з ВІЧ і СНІД, Сафія Грытчэнка і Дар'я Паўловіч абазначылі праблемы талерантнасці. Не менш цікавым выступленнем стаў даклад Ганны Азаранка на тэму ўжывання генетычна мадыфікаваных прадуктаў. Юлія Луцюк расказала аб праблеме сексуальнага выхавання ў школах, Дар'я Белая закранула праблему Аральскага мора. Завяршылі дыскусію Віялета Мар'янская і Кацярына Свірыдава, закрануўшы такую глабальную праблему, як змена клімату.
Мерапрыемства было накіравана на развіццё камунікатыўных навыкаў студэнтаў і садзейнічала пашырэнню іх ведаў аб глабальных праблемах чалавецтва. Студэнты прадэманстравалі навыкі, уменні аналізаваць і абагульняць інфармацыю, а таксама высокі ўзровень валодання англійскай мовай. У працэсе прадстаўлення сваіх дакладаў у аўдыторыі ў студэнтаў распачалася ажыўленая дыскусія, падчас якой удзельнікі змаглі зрабіць уласныя высновы па тэматыцы.
Карысным быў таксама абмен думкамі аб тым, якія меры могуць быць прыняты для барацьбы з акрэсленымі праблемамі.
Чыслова Лізавета, студэнтка 3 курса спецыяльнасці «Мытная справа».
Фота Кацярына Свірыдава,студэнтка 3 курса спецыяльнасці «Мытная справа»
{gallery}2022/2022_04_29{/gallery}