У рамках Тыдня студэнцкай навукі на ФМА БДУ 27 красавіка 2022 г. адбыўся семінар "Пошук фінансавання для навуковых даследаванняў і наступная камерцыялізацыя атрыманых вынікаў".
Спікерам мерапрыемства стаў Сінчук Алег Віктаравіч, старшы выкладчык кафедры фізічнай геаграфіі свету і адукацыйных тэхналогій факультэта геаграфіі і геаінфарматыкі.
У рамках семінара слухачы даведаліся аб тым, як выбраць тэму навуковага артыкула, чым адрозніваюцца фундаментальныя і прыкладныя навуковыя даследаванні. Увазе маладых даследчыкаў былі прапанаваны розныя варыянты пошуку фінансавання навуковых даследаванняў, а таксама раскрыты асаблівасці падачы заявак на розныя гранты, у тым ліку на Грант БДУ, Грант рэктара БДУ, Гранты Міністэрства адукацыі Рэспублікі Беларусь, Гранты БРФФД.
Асаблівую цікавасць сярод слухачоў выклікалі пытанні аховы інтэлектуальнай уласнасці і спосабаў камерцыялізацыі вынікаў навукова-тэхнічнай дзейнасці ў гуманітарных навуках.
Арганізатарам мерапрыемства выступіў Савет маладых вучоных ФМА БДУ. У мерапрыемстве прынялі ўдзел студэнты 2 курса спецыяльнасці «Сусветная эканоміка».