13 красавіка 2022 г. студэнты 1 курса спецыяльнасці "Мытная справа" пад кіраўніцтвам старшага выкладчыка кафедры рамана-германскіх моў міжнароднай прафесійнай дзейнасці Т. С. Карацюк наведалі гімназію № 74 горада Мінска. Мэтавай аўдыторыяй сустрэчы сталі вучні 11-ых класаў.
У ходзе сустрэчы будучыя абітурыенты даведаліся аб нашым факультэце, аб асаблівасцях і перавагах навучання, а таксама аб умовах паступлення. Студэнты пастараліся данесці да старшакласнікаў інфармацыю аб тым, чаму факультэт міжнародных адносін з'яўляецца адным з найлепшых у Беларусі.
Адной з пераваг, на якой спыніліся больш падрабязна, сталі замежныя мовы, якія вывучаюцца на нашым факультэце. У прыватнасці, нямецкая мова, якую выступоўцы вывучаюць як першую замежную ўжо два семестры. Адзінаццацікласнікі паслухалі невялікія выступленні на нямецкай мове, затым былі прадэманстраваны відэаролікі для абітурыентаў ад педагагічнага складу і ад актывістаў, дзе коратка расказвалася пра кожную спецыяльнасць факультэта.
Будучыя абітурыенты таксама змаглі задаць свае пытанні, актыўна ўдзельнічалі ў гутарцы, некаторыя з іх зацікавіліся паступленнем на факультэт міжнародных адносін.
Паводле ацэнкі ўдзельнікаў, мерапрыемства прайшло паспяхова і было карысным як для аднаго, так і другога боку.
{gallery}2022/2022_04_13{/gallery}