Напярэдадні Тыдня студэнцкай навукі на ФМА секцыя партугальскай мовы кафедры рамана-германскіх моў міжнароднай прафесійнай дзейнасці сумесна са студэнтамі 1-3 курсаў, якія вывучаюць партугальскую мову, запусцілі серыю відэа па папулярызацыі партугальскай мовы і культурных каштоўнасцяў партугаламоўных краін. Пасольства Федэратыўнай Рэспублікі Бразілія ў Рэспубліцы Беларусь аказала інфармацыйную падтрымку па стварэнні відэаролікаў.
Падчас запісу першага відэа студэнтам 1-га курса былі прапанаваны пытанні: "Чаму вы выбралі партугальскую мову для вывучэння?" і "Як праходзяць заняткі па партугальскай мове?", адказваючы на іх, студэнты падрыхтавалі творчыя прамовы. Прадстаўляем вашай увазе першае відэа праекту.