25 сакавіка 2022 г. у рамках чарговага пасяджэння Клуба «Творчая майстэрня перакладчыка» была арганізавана ролевая гульня «Угадай французскае свята», удзельнікамі якой сталі ўсе студэнты 1 курса спецыяльнасці «Міжнародныя адносіны», якія вывучаюць французскую мову як першую замежную.
Кожны з удзельнікаў некалькімі фразамі задаў гульнявую сітуацыю, прапанаваўшы па некаторых фактах здагадацца, пра якое свята пойдзе размова. Потым кожны студэнт выступіў у ролі вядучага папулярнага шоу, прадставіўшы агляд традыцыйных французскіх свят. Такім чынам студэнты атрымалі выдатную магчымасць пазнаёміцца з тым, як у Францыі святкуюць Каляды, Масленіцу, Вялікдзень, Дзень Святога Валянціна, Карнавал у Ніцы, Дзень узяцця Бастыліі, Свята музыкі.
Адзначым, што ролевая гульня з'яўляецца эфектыўным сродкам навучання абмеркаванню культурных фактаў, стымулюе натуральныя зносіны і стварае ўмовы для іх, актывізуе маўленчую дзейнасць студэнтаў, садзейнічае павышэнню матывацыі. Навучальная дзейнасць у ходзе абмеркавання мае творчы характар. Акрамя таго, у ходзе правядзення ролевай гульні студэнты набываюць навыкі канвенцыйнах паводзін (знаёмяцца з тыповым для іншамоўнай культуры ладам жыцця праз авалоданне мадэлямі паводзін людзей у канкрэтных і найбольш тыповых для дадзенай іншамоўнай культуры сітуацыях), атрымліваюць уяўленне аб нацыянальна-культурным вобразе, які складаецца з такіх элементаў, як сістэма каштоўнасцяў, распаўсюджаныя меркаванні, уяўленні, прадузятасці, інтарэсы, густы, рысы нацыянальнага характару.
Паседжанне завяршылася віктарынай на папулярнай навучальнай платформе для правядзення тэстаў і адукацыйных гульняў Kahoot, якую падрыхтавалі самі студэнты.
А.У. Тучынскі, дацэнт кафедры рамана-рамана-германскіх моў міжнароднай прафесійнай дзейнасці
