17 сакавіка 2022 года студэнты 1 курса спецыяльнасці «Мытная справа» ФМА БДУ ў рамках азнаямляльнай вучэбнай практыкі пад кіраўніцтвам выкладчыкаў Л. В. Арловай і А. В. Грабеннікава наведалі ТАА «Белсотра».
ТАА "Белсотра", якое дзейнічае пад брэндам "Rudolf Riegler III", больш за 25 гадоў паспяхова працуе на рынку транспартна-лагістычных паслуг і з'яўляецца адной з найлепшых кампаній Рэспублікі Беларусь у сваёй сферы.
Студэнтаў і выкладчыкаў ФМА БДУ сустрэла кіраўніцтва і супрацоўнікі ТАА "Белсотра". Намеснік дырэктара – начальнік упраўлення мытнага тэрмінала ТАА "Белсотра" А. В. Жумар расказаў аб сучасным стане і напрамках развіцця кампаніі.
Далей пад кіраўніцтвам начальніка аддзела Н. Г. Апановіч была праведзена вельмі яркая і пазнавальная экскурсія па мытным тэрмінале. У прыватнасці, па складзе часовага захоўвання, мытным складзе, складзе захоўвання лекавых сродкаў і офісе ТАА "Белсотра". Акрамя таго, супрацоўнікі прадпрыемства правялі практычныя заняткі па запаўненні мытных дэкларацый, фарміраванні электроннай папярэдняй інфармацыі (ЭПІ) і іншых пытаннях.
Кафедра мытнай справы ФМА БДУ, яе выкладчыкі і студэнты выказваюць глыбокую ўдзячнасць кіраўніцтву і супрацоўнікам ТАА "Белсотра" за выдатную экскурсію.
{gallery}2022/2022_03_17_02{/gallery}