17 сакавіка 2022 г. у Беларускім таварыстве дружбы і культурных сувязей з замежнымі краінамі адбылося паседжанне клуба «Юны дыпламат» па тэме "Знаёмцеся, В'етнам!"
У якасці галоўнага госця ўдзельнічаў Надзвычайны і Паўнамоцны Пасол Сацыялістычнай Рэспублікі В'етнам у Рэспубліцы Беларусь Нгуен Ван Нгы.
Прадстаўнік В'етнама падрабязна расказаў удзельнікам аб гістарычным станаўленні краіны як незалежнай дзяржавы, аб развіцці В'етнама на сучасным этапе, адзначыў сапраўды добрыя і ўстойлівыя адносіны паміж Рэспублікай Беларусь і Сацыялістычнай Рэспублікай В'етнам.
Прысутныя студэнты 1 курса факультэта міжнародных адносін БДУ, а таксама школьнікі з розных дыпламатычных клубаў змаглі акунуцца ў атмасферу і культуру В'етнама, пазнаёміцца з традыцыямі і славутасцямі краіны. Самым займальным этапам пасяджэння стала традыцыйная віктарына "10 пытанняў Паслу!". Удзельнікі змаглі задаць пытанні і атрымаць змястоўныя адказы.
Матэрыял падрыхтавала Анастасія Альшэўская, студэнтка 1 курса спецыяльнасці "Міжнародныя адносіны"
{gallery}2022/2022_03_17{/gallery}