Студэнтам (мужчынскага полу), якія жадаюць навучацца на ваенным факультэце, па праграмах падрыхтоўкі малодшых камандзіраў або праграмах падрыхтоўкі афіцэраў запасу (без праходжання падрыхтоўкі па праграмах падрыхтоўкі малодшых камандзіраў), якія навучаюцца на дзённай форме атрымання адукацыі на факультэтах БДУ на першым курсе для спецыяльнасцей з тэрмінам навучання 8 навучальных семестраў (далей - 4 гады)) неабходна:
- з 7 лютага да 29 красавіка 2022 г. атрымаць на ваенным факультэце накіраванне для праходжання медыцынскага агляду;
- да 20 мая 2022 г. з мэтай вызначэння прыдатнасці да ваеннай службы па накіраванні начальніка ваеннага факультэта прайсці медыцынскі агляд па месцы пастаноўкі на воінскі ўлік.
Да 20 мая 2022 г. прадставіць на ваенны факультэт
- заяву начальніку ваеннага факультэта на ўдзел у конкурсным адборы для навучання на ваенным факультэце, узгодненую з дэканам;
- характарыстыку, падпісаную дэканам факультэта, на якім студэнт праходзіць навучанне;
- даведку аб выніках медыцынскага агляду аб прыдатнасці па стане здароўя па форме, устаноўленай Міністэрствам абароны, выдадзеную раённым ваенным камісарыятам па месцы рэгістрацыі (месцы жыхарства);
- ксеракопію пашпарта грамадзяніна Рэспублікі Беларусь;
- ксеракопію пасведчання прызыўніка (ваеннага білета);
- пісьмовую згоду студэнта на правядзенне ў дачыненні да яго праверачных мерапрыемстваў у сувязі з прадастаўленнем яму допуску да дзяржаўных сакрэтаў
Пашпарт грамадзяніна Рэспублікі Беларусь, пасведчанне прызыўніка (ваенны білет) прадстаўляюцца кандыдатам асабіста пры падачы дакументаў.
Студэнтам (мужчынскага полу) другога курса (для спецыяльнасцей з тэрмінам навучання 4 гады), якія навучаюцца на ваенным факультэце па праграмах падрыхтоўкі малодшых камандзіраў і выказалі жаданне працягнуць навучанне па праграмах падрыхтоўкі афіцэраў запасу:
- з 7 лютага да 29 красавіка 2022 г. атрымаць на ваенным факультэце накіраванне для праходжання медыцынскага агляду;
- да 20 мая 2022 г. з мэтай вызначэння прыдатнасці да ваеннай службы па накіраванні начальніка ваеннага факультэта прайсці медыцынскі агляд па месцы пастаноўкі на воінскі ўлік;
Да 20 мая 2022 г. падаць заяву начальніку ваеннага факультэта на ўдзел у конкурсным адборы для навучання на ваенным факультэце і прадставіць даведку аб медыцынскім аглядзе з указаннем ступені прыдатнасці да ваеннай службы, выдадзеную раённым ваенным камісарыятам па месцы рэгістрацыі (месцы жыхарства).