Подождите, идет загрузка сайта ...

14 снежня на факультэце міжнародных адносін Беларускага дзяржаўнага ўніверсітэта пры падтрымцы генеральных партнёраў CЗАТ «Кампанія па развіццю індустрыяльнага парку» і ТАА «Бел Хуавэй Тэхналоджыс», а таксама партнёраў Міністэрства сувязі і інфарматызацыі Рэспублікі Беларусь, КУП «Цэнтр інфармацыйных тэхналогій Мінгарвыканкама», ААТ «Гіпрасувязь», ААТ «Банк Дабрабыт», ТАА «Карэнс Ком Бел», ПВТУ «Бібабоша» і ТАА «Адміністратаўны рэсурс» адбыўся фінал Рэспубліканскага конкурсу эрудытаў па сусветнай эканоміцы «Сусветная эканоміка: сучасныя тэндэнцыі развіцця. Digital Capitalism».

Мэты конкурсу:

  • прыцягненне ўвагі беларускай моладзі да актуальных пытанняў развіцця сусветнай эканомікі і пашырэнне базы навуковых даследаванняў у галіне лічбавай эканомікі;
  • раскрыццё творчай індывідуальнасці і актыўнасці навучэнцаў.

Усяго было зарэгістравана 35 удзельнікаў з розных ВНУ. Конкурс праходзіў у некалькі этапаў. Завочны тур меркаваў напісанне артыкула па пазначаных праблемах і рашэнне анлайн тэсту.

Па выніках завочнага тура былі адабраны для ўдзелу ў фінале 10 найлепшых работ. У фінале ўдзельнікі абаранялі свае даследаванні ў галіне лічбавай эканомікі.

Вынікі фіналу:

  • 1 месца — Аношка Аляксандра (ФМА, БДУ)
  • 2 месца — Грэчка Уладзіслаў (ФМА, БДУ)
  • 3 месца — Уласенка Анастасія (ФМА, БДУ)

Віншуем і жадаем далейшых поспехаў у навучальнай і навуковай дзейнасці!


Дадатковая інфармацыя

Сёлета ў конкурсе ўдзельнічалі 34 работы з розных ВНУ краіны: Гомельскага дзяржаўнага ўніверсітэта ім. Ф. Скарыны, Гродзенскага дзяржаўнага ўніверсітэта імя Янкі Купалы, Акадэміі кіравання пры Прэзідэнце Рэспублікі Беларусь, Маскоўскага Філіяла РЭУ ім. Г.У. Пляханава, прадстаўнікі розных кафедраў БДЭУ, аспіранты, магістранты і студэнты розных кафедраў і факультэтаў БДУ. Па ўмове конкурсу юныя даследчыкі прадстаўлялі навуковы артыкул (падрыхтаваны па патрабаваннях ВАК) па выбраных напрамках. Артыкулы разглядаліся членамі камісіі і былі ацэнены па 5 крытэрыях (актуальнасць, абгрунтаванасць, навізна дадзеных, стыль, лагічнасць выкладу, афармленне, праверка ў сістэме антыплагіят). Па выніках першага этапа ў паўфінал выйшлі 16 работ.

Другі этап прадугледжваў напісанне дыстанцыйнага тэста па сусветнай эканоміцы (з улікам напрамку конкурсу). Максімальная колькасць балаў, якія маглі набраць удзельнікі, — 100 балаў. Па выніку тэста 10 мацнейшых удзельнікаў выйшлі ў фінал і абаранялі свае навуковыя даследаванні ў форме выступлення з прэзентацыяй.

Конкурсныя работы ацэньвала журы Конкурсу, у склад якога ўваходзілі профільныя спецыялісты з вядучых навуковых, адукацыйных і экспертных устаноў, а таксама прадстаўнікі работадаўцаў і партнёраў конкурсу.

Склад журы:

  • Старшыня журы: Прафесар Шмарлоўская Галіна Аляксандраўна (БДЭУ)
  • Давыдзенка Алена Леанідаўна, прафесар кафедры міжнародных эканамічных адносін (БДУ)
  • Юрава Наталля Вячаславаўна, загадчыца кафедры міжнародных эканамічных адносін (БДУ)
  • Лю Цзіцян (прадстаўнік CЗАТ "Кампаніі па развіццю індустрыяльнага парку");
  • Дудко Сяргей Аляксандравіч (ТАА «Бел Хуавэй Тэхналоджыс»);
  • Качан Вольга Мікалаеўна (ТАА «Бел Хуавэй Тэхналоджыс»);
  • Новікаў Сяргей Сяргеевіч (Міністэрства сувязі і інфарматызацыі Рэспублікі Беларусь);
  • Бутук Іван Сяргеевіч (КУП "Цэнтр інфармацыйных тэхналогій Мінгарвыканкама");
  • Пацеценка Сяргей Віктаравіч (ААТ «Гіпрасувязь»);
  • Мурамцава Анастасія Генадзьеўна (ААТ «Банк Дабрабыт»);
  • Пракапеня Канстанцін Міхайлавіч (ТАА «Карэнсі Ком Бел»);
  • Юркевіч Дзмімтрый Вячаслававіч (ПВТУ «Бібабоша»).

Час выступу быў абмежаваны (да 7 хвілін). Крытэрыі ацэнкі выступлення наступныя:

  • абгрунтаванне актуальнасці тэмы даследавання;
  • навізна прадстаўленых дадзеных;
  • наяўнасць уласных высноў і прапаноў;
  • якасць прадстаўлення прэзентацыі (дызайн, інфарматыўнасць, прамоўніцкія навыкі).