09 верасня 2021 года студэнты-мэтавікі I курса, групы №13 спецыяльнасці «Мытная справа» пад кіраўніцтвам старшага выкладчыка кафедры мытнай справы Арловай Л.В. наведалі Дзень адчыненых дзвярэй з правядзеннем круглага стала «Задай пытанне мытніку» у Дзяржаўным інстытуце павышэння кваліфікацыі і перападрыхтоўкі кадраў мытных органаў Рэспублікі Беларусь.
Прадстаўнікі кафедраў Інстытута распавялі студэнтам пра асноўныя напрамкі дзейнасці мытных органаў, спецыялізаваныя мытныя інфармацыйныя сістэмы, тэхнічныя сродкі мытнага кантролю, праваахоўную дзейнасць, пра мытна-тарыфнае рэгуляванне, ажыццяўленне мытных аперацый і правядзенне мытнага кантролю.
У сістэме мытных органаў дзейнічае і Мытная лабараторыя, супрацоўнікі якой распавялі студэнтам пра тое, як наладжана праца мытнай лабараторыі ў цэлым, пазнаёмілі з парадкам правядзення экспертызы гісторыка-культурных каштоўнасцяў, экспертызы наркатычных рэчываў і вырабаў з каштоўных металаў.
Важным складнікам у падрыхтоўцы будучых мытнікаў з'яўляюцца практыка арыентаваныя заняткі. На вучэбна-трэніровачным палігоне мытных органаў студэнты змаглі пазнаёміцца і атрымаць першыя навыкі правядзення мытнага дагляду і выяўлення схаваных тавараў у аўтамабілі.
Значную дапамогу пры ажыццяўленні аперацый мытнага кантролю аказвае кіналагічная служба. Сваё ўменне будучым мытнікам прадэманстравалі супрацоўнікі кіналагічных службаў мытняў.
Студэнты праявілі зацікаўленасць, актыўнасць, поўную ўцягнутасць у працэс зносін, іх цікавілі актуальныя тэмы па асноўных напрамках дзейнасці мытных органаў.
{gallery}2021/2021_09_09{/gallery}