У Беларускім дзяржаўным універсітэце з 17 мая па 6 чэрвеня 2021 года было арганізавана правядзенне 1-га (адборачнага) этапа для ВНУ Міжнароднай алімпіяды па фінансавай бяспецы. Па трох накірунках алімпіяды ("Юрыспрудэнцыя", "Міжнародныя адносіны", "Эканоміка, фінансы і крэдыт, эканамічная бяспека») у адборачным туры прынялі ўдзел 55 студэнтаў, якія навучаюцца на чатырох факультэтах БДУ.
Фіналістамі адборачнага этапу (5 прызавых месцаў) сталі:
- Радзюк Дзмітрый Ігаравіч (2 курс, эканамічны факультэт);
- Руткоўскі Андрэй Юр'евіч (2 курс, юрыдычны факультэт);
- Цецярукова Карына Васільеўна (4 курс, факультэт міжнародных адносін);
- Церашонак Аляксандра Ігараўна (3 курс, юрыдычны факультэт);
- Шарпіла Марына Уладзіміраўна (3 курс, эканамічны факультэт).
Фіналісты адборачнага тура ў рамках аб'яднанай беларускай каманды прымуць удзел у фінальным туры алімпіяды, які пройдзе з 3 па 9 кастрычніка ў горадзе Сочы (Расія).
На працягу тыдня ўдзельнікі, сумесна са студэнтамі і навучэнцамі з Расіі, Кыргызстана, Таджыкістана, Туркменістана і Узбекістана, будуць удзельнічаць у конкурсах алімпіяды, а таксама наведаюць семінары, практыкумы, майстар-класы, круглыя сталы, дэбаты, творчыя сустрэчы па інфармацыйнай, фінансавай і прававой пісьменнасці, фінансавай бяспецы.
Віншуем пераможцаў адборачнага тура і жадаем поспехаў у фінале!
Інфармацыю падаў адказны за навуковую працу студэнтаў юрыдычнага факультэта, дацэнт кафедры тэорыі і гісторыі дзяржавы і права, кандыдат юрыдычных навук, дацэнт Д.В.Шчэрбік