20 красавіка 2021 г.в рамках Тыдня студэнцкай навукі на ФМА адбылося пасяджэнне дыскусійнага клуба кафедры раманскіх моў «Творчая майстэрня перакладчыка». На гэты раз сустрэча прайшла ў фармаце круглага стала.
Недастаткова проста браць урокі мовы, каб вольна гаварыць на замежнай мове. Вывучэнне і авалоданне замежнай мовай патрабуе намаганняў, настойлівасці і цярпення. Аднак, разумна сканцэнтраваўшы сваю энергію і трохі змяніўшы свае звычкі, вы зможаце максімальна эфектыўна выкарыстоўваць вучэбныя гадзіны, каб значна хутчэй авалодаць замежнай мовай.
Вядучыя пасяджэння і яго мадэратары студэнткі 2 курса спецыяльнасці "Міжнароднае права" Мацкевіч Яна і Сіманава Дарына распавялі пра некаторыя інтэрактыўныя спосабы вывучэння замежнай мовы. На думку вядучых, прагляд серыялаў або фільмаў – адзін з лепшых спосабаў сумясціць вывучэнне мовы з забавай і практыкай. Серыялы – таксама выдатны спосаб вывучыць тонкасці вывучаемай мовы, напрыклад: акцэнты, iдыяматычныя выразы, рытм выказванняў і інтанацыі.
Другі, не менш папулярны, спосаб вывучэнне замежнай мовы – выкарыстанне мабільных дадаткаў. Мабільныя дадаткі даюць магчымасць практыкаваць мову штодня, ДЗЕ і КАЛІ вы хочаце. Вядучыя прапанавалі некалькі мабільных дадаткаў, якія можна спампаваць бясплатна на свой тэлефон і выкарыстоўваць у любы зручны для вас час, напрыклад Babbel, Busuu, Memrise, Duolingo.
Яшчэ адзін выдатны спосаб вывучэння замежнай мовы – гэта сацыяльныя сеткі, дзе вы, хутчэй за ўсё, праводзіце мінімум дзве гадзіны ў дзень. У сацыяльных сетках вы можаце сачыць за людзьмі, якія размаўляюць на мове, якую вы вывучаеце, або далучыцца да розных моўных груп. Вы можаце спампаваць сабе такія сацыяльныя сеткі, як HelloTalk, Tandem, Ablo, italki і мець зносіны з носьбітамі кожны дзень.
Пры авалоданні мовай не варта забываць і пра радыё. Слухаць радыё на вывучаемай мове – гэта адзін са спосабаў палепшыць свае навыкі аўдыравання і навучыцца разумець носьбітаў мовы, калі яны гавораць у нармальным тэмпе. Топ 3 французскіх радыё: NRJ, RTL і France Inter.
Такім чынам, галоўнае – знайсці «свой» спосаб вывучэння замежнай мовы, які зробіць працэс навучання максімальна камфортным і лёгкім для вас.
Мы распавялі вам пра самыя папулярныя метады і прыёмы авалодання замежнай мовай, але выбар застаецца за вамі!
Удзельнікамі мерапрыемства сталі студэнты спецыяльнасці "Міжнародныя адносіны".
А.В. Тучынскі, старшы выкладчык кафедры раманскіх моў
{gallery}2021/2021_04_20{/gallery}