24 красавіка на факультэце міжнародных адносін БДУ адбылося другое пасяджэнне Клуба перакладчыкаў кітайскай мовы. Удзельнікі клуба абмеркавалі тэму "Заказчыкі бываюць розныя ...", а таксама пазнаёміліся з выпускнікамі факультэта.
Маладыя спецыялісты падзяліліся сваімі ўражаннямі аб рабоце, распавялі пра складанасці і казусы, падказалі лайфхакі і сваім прыкладам даказалі, што працаваць па спецыяльнасці і жыць шчасліва – гэта магчыма!
Сваім вопытам падзяліліся:
- Мікіта Карзей – выпускнік спецыяльнасці "Міжнародныя адносіны" 2020 года, які на дадзены момант працуе ў гандлёвай кампаніі «Стальэнерга» на пасадзе спецыяліста па знешнеэканамічнай дзейнасці.
- Дар'я Лымарова – выпускніца спецыяльнасці «Лінгвакраіназнаўства» 2020 года. Цяпер працуе перакладчыкам у «СІНОМАЧБЕЛ» (даччыная кампанія холдынгу Sinomach ( «Кітайская нацыянальная машынабудаўнічая карпарацыя»)).
- Ксенія Рудэнка – выпускніца спецыяльнасці «Лінгвакраіназнаўства» 2018 года. У недалёкім мінулым Operations manager at StartupEast China Israel Innovation Hub. У цяперашні час – Business Development manager for China & Korea at Reshet trading.
- Мікіта Петручэня – выпускнік спецыяльнасці «Лінгвакраіназнаўства» 2020 года. На сённяшні дзень займае пасаду галоўнага спецыяліста па прыцягненню інвестыцый у Адміністрацыі Індустрыяльнага парка «Вялікі камень».
Не бойцеся рызыкаваць! Дзейнічайце!
{gallery}2021/2021_04_24{/gallery}