19 красавіка на нашым факультэце стартаваў Тыдзень навукі. Гэта цікавае і пазнавальнае мерапрыемства, у рамках якога студэнты могуць адначасова пашырыць свае веды, даведацца аб некаторых лайфхаках, якія спатрэбяцца ім у студэнцкім жыцці.
Так, 15 і 19 красавіка выкладчыкі кафедры англійскай мовы эканамічных спецыяльнасцяў арганізавалі для студэнтаў 2 курса спецыяльнасці "Менеджмент у сферы міжнароднага турызму" і студэнтаў 2, 3 курсаў спецыяльнасці "Мытная справа" сустрэчу з загадчыцай інфармацыйна-бібліяграфічным сектарам Нацыянальнай бібліятэкі Беларусі Талкачовай Настай Юр'еўнай. Як вядома кожнаму студэнту, аформіць бібліяграфічны спіс у адпаведнасці з усімі патрабаваннямі ў курсавой працы ці рэфераце бывае вельмі праблематычна.
Часта ўзнікаюць пытанні: як правільна запісаць кнігу з некалькімі аўтарамі, як пазначыць горад і выдавецтва, як аформіць спасылку на асабісты блог ці артыкул у інтэрнэце? На гэтыя і многія іншыя пытанні былі дадзены адказы, на канкрэтных прыкладах Анастасія Юр'еўна патлумачыла паслядоўнасць працы са спасылкамі на крыніцы, якія выкарыстоўваюцца і цытуюцца. Наглядным чынам былі прадэманстраваны найбольш частыя памылкі пры складанні спісу крыніц і дадзены рэкамендацыі па правільным іх апісанню.
Лічу, што атрыманыя веды будуць карыснымі студэнтам і дапамогуць пры напісанні як навуковых, так і курсавых работ.
Калектыў кафедры англійскай мовы эканамічных спецыяльнасцяў факультэта міжнародных адносін БДУ выказвае падзяку супрацоўнікам Нацыянальнай бібліятэкі Беларусі і спадзяецца на далейшае супрацоўніцтва!
У арганізацыі сустрэчы прымалі ўдзел дацэнт Трухан А.В., старэйшыя выкладчыкі Чарнецкая Н.І., Ахрыменя Г.І., Каткова Д.І., Тамарына А. С., Натуркач М. В., Юмагулава М. Р.
А. В. Трухан, дацэнт кафедры
Анастасія Дабрадзей, студэнтка 3 курса спецыяльнасці "Мытная справа"
Дар'я Бараноўская, студэнтка 2 курса спецыяльнасці "Менеджмент"
{gallery}2021/2021_04_19_02{/gallery}