17 красавіка адбылася сустрэча ўдзельнікаў гуртка «Дзелавыя зносіны», кіраўніком якога з'яўляецца старшы выкладчык кафедры англійскай мовы эканамічных спецыяльнасцяў К. В. Грыневіч.
Госцем сустрэчы стала Ірына Красоўская, дырэктар ПУП «Медыялід». На сустрэчы прысутнічалі студэнты трэцяга курса спецыяльнасці "Сусветная эканоміка". Тэмай пасяджэння гуртка стала медыяцыя і яе практычнае прымяненне. Для студэнтаў быў вельмі цікавы досвед зносін з экспертам у дадзенай галіне, што дазволіла пашырыць кругагляд ў сферы вырашэння канфліктаў.
Тэма з'яўляецца актуальнай для спецыялістаў, якія працуюць у розных сферах. Больш за тое, медыяцыя таксама з'яўляецца выдатным інструментам для вырашэння канфліктаў і па-за прафесійнай дзейнасці. Атрыманыя веды сапраўды важныя для прымянення на практыцы, што звязана з распаўсюджанасцю рознага віду канфліктаў ва ўсіх жыццёвых сферах.
У ходзе лекцыі Ірына не толькі асвятліла тэарэтычныя аспекты, звязаныя з паняццем медыяцыі, але таксама распавяла, як працуе гэты від дзейнасці на практыцы, прыводзячы пераканаўчыя прыклады з практыкі. Больш за тое, студэнты таксама атрымалі магчымасць далей перайсці ў фармат «Пытанне-адказ» і задаць пытанні. Такі інтэрактыўны элемент дазволіў перайсці да дыскусіі, больш глыбока зразумець тэму і яшчэ лепш разабрацца ў сістэме функцыянавання медыяцыі.
Ірына, як прафесіянал у гэтай сферы, падкрэсліла, што заўсёды існуе магчымасць выбраць альтэрнатыўны варыянт вырашэння канфліктаў, і медыяцыя з'яўляецца адным з іх. Пры гэтым важным таксама з'яўляецца той факт, што медыяцыяй можа займацца чалавек з адукацыяй і заняткам у любой сферы дзейнасці. Такім чынам, Ірыне ўдалося рассеяць агульнапрыняты стэрэатып аб занятых у гэтай сферы юрыстах і псіхалагах. Спалучэнне лекцыі і інтэрактыўнага фармату было цікавым і карысным для студэнтаў, што звязана са спецыфікай матэрыялу, пададзенай экспертам, а таксама рэлевантнасці медыяцыі для розных жыццёвых і прафесійных сфер.
Тэкст: Ганна Яфрэмава, студэнтка 3 курса спецыяльнасці "Сусветная эканоміка"
Фота: Грыневіч К. В., старшы выкладчык кафедры англійскай мовы эканамічных спецыяльнасцяў
{gallery}2021/2021_04_17{/gallery}