Мадэляванне работы структур ААН стартавала 15 красавіка ў БДУ. Мерапрыемства праходзіць на базе САК «Брыганціна» БДУ (г.п. Радашковічы, Маладзечанскі р-н) і мае практыка-арыентаваную накіраванасць. Праводзіцца яно з мэтай вывучэння студэнтамі працэсу прыняцця рашэнняў у розных органах і структурах ААН, а таксама развіцця дзелавой актыўнасці моладзі і азнаямлення з дзейнасцю ААН.
У гэтым годзе ўдзельнікамі сталі 70 студэнтаў і магістрантаў, якія навучаюцца ў галіне міжнародных адносін, сусветнага права, сусветнай эканомікі і іншых сумежных сферах. Гэта прадстаўнікі Беларускага дзяржаўнага ўніверсітэта, Беларускага дзяржаўнага эканамічнага ўніверсітэта, Беларускага дзяржаўнага ўніверсітэта інфарматыкі і радыёэлектронікі, Мінскага дзяржаўнага лінгвістычнага ўніверсітэта, Полацкага дзяржаўнага ўніверсітэта, Гомельскага дзяржаўнага ўніверсітэта ім. Ф. Скарыны, Віцебскага дзяржаўнага ўніверсітэта ім. П. М. Машэрава, Гродзенскага дзяржаўнага ўніверсітэта ім. Я. Купалы. БДУ прадставяць 53 студэнты, якія навучаюцца на наступных факультэтах: міжнародных адносін, юрыдычным, прыкладной матэматыкі і інфарматыкі, эканамічным, сацыякультурных камунікацый, філалагічным.
Будучыя спецыялісты навучацца весці перамовы на аснове міжнародных прынцыпаў дыпламатыі, а таксама вырашаць глабальныя сусветныя праблемы. Студэнты выступяць у ролі экспертаў Савета Бяспекі і Выканаўчага камітэта Упраўлення Вярхоўнага камісара ААН па справах бежанцаў. На парадку заяўлена абмеркаванне наступных пытанняў: сітуацыя ў раёне Паўднёва-Кітайскага мора, актуальнае становішча спраў у Сірыі, тэрытарыяльныя спрэчкі паміж Турцыяй, Грэцыяй і Кіпрам, вымушанае перасоўванне як фактар уцягвання дзяцей ва ўзброеныя канфлікты, доступ бежанцаў да вакцыны ў кантэксце COVID-19, эфектыўны доступ бежанцаў і асоб без грамадзянства да працэдур у краінах прытулку. Дэбаты пройдуць на рускай і англійскай мовах.
Завершыцца мерапрыемства 17 красавіка ўзнагароджаннем лепшых дэлегатаў-удзельнікаў.
Арганізатарамі форуму выступаюць факультэт міжнародных адносін БДУ, Міжнароднае грамадскае аб'яднанне па навукова-даследчых і інфармацыйна-адукацыйных праграмах «Развіццё» пры падтрымцы Прадстаўніцтва Упраўлення Вярхоўнага камісара ААН па справах бежанцаў у Беларусі.
{gallery}2021/2021_04_15{/gallery}