Кафедра англійскай мовы эканамічных спецыяльнасцяў ФМА БДУ традыцыйна надае ўвагу прафарыентацыйнай працы з падшэфнымі гімназіямі. 29 сакавіка ў перыяд школьных канікул у рамках правядзення Дня адчыненых дзвярэй на ФМА была арганізавана анлайн-сустрэча для вучняў 9-11 класаў ДУА «Гімназія №30 г. Мінска» са студэнтамі факультэта і выкладчыкамі кафедры, адказнымі за прафарыентацыйную работу.
Прафарыентацыйнае мерапрыемства было заклікана прыцягнуць найбольш матываваных абітурыентаў для навучання на факультэце міжнародных адносін. Сустрэча прайшла пад кіраўніцтвам выкладчыкаў кафедры англійскай мовы эканамічных спецыяльнасцяў Гіцкой Вольгі Пятроўны, Катковай Дар'і Іванаўны і Мартыновіч Анастасіі Сяргееўны. Як паказвае практыка, адной з найбольш эфектыўных форм правядзення прафарыентацыйнага мерапрыемства з'яўляецца групавая гутарка з абітурыентамі ў суправаджэнні прэзентацыі. Дадзеная форма правядзення мерапрыемства стала традыцыйнай, і прафарыентацыйнае мерапрыемства гэтага года не стала выключэннем. Сваімі ўражаннямі аб навучанні на факультэце міжнародных адносін падзяліліся студэнткі 1-2 курсаў факультэта: Сафія Эдам, Аляксандра Шаройкіна і Кацярына Агеенкава. Студэнткі маляўніча прадставілі інфармацыю аб факультэце і спецыяльнасцях, па якiх ажыццяўляецца падрыхтоўка, падрабязна апісалі працэдуру паступлення, распавялі аб навучальных дысцыплінах сваіх спецыяльнасцяў, у тым ліку аб выкладаемых замежных мовах. Не абмінулі і пазавучэбныя мерапрыемствы, якія арганізуюцца факультэтам, бо багатае, разнастайнае і цікавае студэнцкае жыццё таксама з'яўляецца складнікам прэстыжу факультэта. Акрамя спецыфікі навучання па спецыяльнасцях, навучэнцы гімназіі былі таксама азнаёмлены з прапанаванымі факультэтам стажыроўкамі і праграмамі студэнцкага абмену. Навучэнцы праявілі зацікаўленасць, актыўна задаючы пытанні і атрымліваючы на іх кампетэнтныя адказы.
Эдам Сафія, студэнтка 2 курса спецыяльнасці "Сусветная эканоміка»; Шаройкіна Аляксандра і Агеенкава Кацярына, студэнткі 1-2 курсу спецыяльнасці "Менеджмент (напрамак - менеджмент у сферы міжнароднага турызму)».
