25–26 сакавіка 2021 года ў Акадэміі кіравання пройдзе III Міжнародны форум маладых кіраўнікоў. Запрашаем прыняць удзел у мерапрыемствах форуму.
Мэта – развіць навукова-даследчую дзейнасць студэнтаў, аспірантаў, маладых навукоўцаў, прыцягнуць іх да вырашэння задач сучаснай навукі, інтэграваць навуку, практыку і адукацыю.
25 сакавіка 2021 года пройдзе XXV Міжнародная навукова-практычная канферэнцыя студэнтаў і магістрантаў «Тэарэтыка-метадалагічныя і прыкладныя аспекты дзяржаўнага кіравання». Плануецца праца наступных секцый:
- Дзяржаўнае кіраванне ва ўмовах лічбавай трансфармацыі.
- Дзяржаўнае кіраванне знешнеэканамічнай дзейнасцю.
- Цывилистыка і прававое рэгуляванне гаспадарчай дзейнасці.
- Сацыяльна-гуманітарныя аспекты дзяржаўнага кіравання.
- Эканамічнае развіццё і дзяржаўнае кіраванне.
- Актуальныя праблемы дзяржаўнага кіравання ў Рэспубліцы Беларусь і за мяжой (Current Issues of Public Administration in the Republic of Belarus and Abroad).
- Прававыя асновы дзяржаўнага кіравання.
- Сучасны менеджмент і эканамічнае развіццё.
26 сакавіка 2021 года пройдзе круглы стол "Роля юрыдычнай клінікі ў фарміраванні лічбавых кампетэнцый маладых кіраўнікоў (юрыстаў)" з міжнародным удзелам. Да ўдзелу запрашаюцца аспіранты, суіскальнікі і маладыя вучоныя.
26 сакавіка 2021 года адбудзецца круглы стол "Перспектывы развіцця навукова-даследчай работы студэнтаў". Да ўдзелу запрашаюцца студэнты, магістранты і маладыя вучоныя.
26 сакавіка 2021 года будзе праводзіцца майстар-клас па тэме "Як стаць лідэрам". Да ўдзелу запрашаюцца студэнты і магістранты.
26 сакавіка 2021 года адбудзецца падвядзенне вынікаў і ўзнагароджанне пераможцаў Конкурсу эсэ «Роля прадпрымальніцтва ў развіцці эканамічнай сістэмы і сацыяльнай сферы дзяржавы».
Падрабязная інфармацыя аб мерапрыемствах форуму, кантактах арганізатараў, тэрмінах падачы заяўкі, умовах удзелу, формы заявак і ўзоры афармлення тэзісаў – у інфармацыйным лісце.