У мэтах рэалізацыі міжнародных дагавораў Рэспублікі Беларусь аб супрацоўніцтве ў сферы адукацыі з замежнымі дзяржавамі Міністэрства адукацыі інфармуе аб наяўнасці магчымасці навучання грамадзян Рэспублікі Беларусь за мяжой у рамках міжнародных дамоваў.
Азнаёміцца з падрабязнай інфармацыяй аб прыёме на навучанне грамадзян Рэспублікі Беларусь у 2021/2022 навучальным годзе ва ўстановы вышэйшай адукацыі замежных краін можна ТУТ.
Просім у тэрмін да 22 лютага 2021 г. прадаставіць наступныя дакументы намесніку дэкана па навуцы А. В. Пільгун па адрасе: вул. Ленінградская 20, к. 505:
- анкету, запоўненую друкаванымі літарамі, з фатаграфіяй і прыкладаемымі да яе дакументамі (дадатак № 12);
- выпіску бягучых адзнак, характарыстыку ад ўстановы адукацыі (для В'етнама - таксама аўтабіяграфію, копію дыплома, копію дадатку да дыплома, медыцынскую даведку); усе дакументы для В'етнама павінны быць пераведзены на англійскую мову і завераныя;
- дакументы, якія пацвярджаюць валоданне кандыдатамі кітайскай альбо англійскай мовай на дастатковым для асваення адукацыйных праграм узроўні (HSK, IELTS, TOEFL і інш.) для ўдзелу ў абмене з Кітаем;
- копію старонак пашпарта з указаннем дадзеных (31, 33 старонкі).
З улікам краінавых асаблівасцяў супрацоўнікі Вучэбнага цэнтра міжнароднага супрацоўніцтва ў сферы адукацыі ДУА «Рэспубліканскі інстытут вышэйшай школы» могуць запатрабаваць дадатковыя дакументы ў кандыдатаў.