Беларускі дзяржаўны ўніверсітэт не па чутках знаёмы з касмічнам жыццём. У 2018 годзе адбыўся запуск першага ўніверсітэцкага спадарожніка, а каманда ФМА БДУ грандыёзна выступіла на конкурсе па міжнародным праве ім. М. Лахса (тытул Чэмпіёнаў Еўропы і прыз за Лепшую ў свеце прававую аргументацыю). У тым жа годзе стартавала і Школа па касмічным праве (заняткі Першай школы адбыліся ў 2018 годзе, а Другой – у 2019 годзе).
Нягледзячы на ўсе складанасці, 2020 год не стане выключэннем. Рады паведаміць, што аб'яўляецца набор на Трэцюю Школу па касмічным праве!
Як зарэгістраваць спадарожнік ў ААН? Чаму касмічнае смецце таксама небяспечнае для нашай планеты, як і зямное? Ці можа паверхня Марса быць тэатрам ваенных дзеянняў? Гэта і шмат іншае – на семінарах Трэцяй Школы. Акрамя атрымання ведаў, ва ўдзельнікаў таксама будзе магчымасць праявіць свае дыпламатычныя навыкі і памерацца сіламі ў імправізаваным судовым пасяджэнні.
ЛЕКТАРЫ
Заняткі праводзяць запрошаныя лектары, якія з'яўляюцца экспертамі ў сферы міжнароднага касмічнага права.
ФАРМАТ
З улікам эпідэміялагічнай сітуацыі заняткі будуць праходзіць у анлайн-фармаце. Удзельнікі, якія наведаюць 4 і больш занятка, пасля заканчэння Школы атрымаюць сертыфікат.
ЧАС ПРАВЯДЗЕННЯ: з 19.00 да 20.00 па аўторках і чацвяргах, з 3 па 17 лістапада; мадэляванне судовага паседжання ў суботу 21 лістапада.
ЯК ДАЛУЧЫЦЦА?
Стаць удзельнікам Школы можа абсалютна кожны (як студэнт, магістрант, аспірант, выкладчык, так і проста дапытлівы чалавек, якога цікавіць касмічная тэматыка).
Удзел бясплатны, дастаткова толькі запоўніць рэгістрацыйную форму па спасылцы (https://forms.gle/nE5ovdyH9JzRwz9h8) да 1 лістапада (уключна) і чакаць пачатку заняткаў.
