6 кастрычніка 2020 г. дацэнтам кафедры міжнароднага прыватнага і еўрапейскага права Н. Г. Маскаевай ў рамках дысцыпліны «Канкурэнцыя ў міжнародным прыватным праве» арганізавана сустрэча магістрантаў спецыяльнасці "Юрыспрудэнцыя" з начальнікам упраўлення сацыяльнай сферы і паслуг Міністэрства антыманапольнага рэгулявання і гандлю Рэспублікі Беларусь Алесяй Мікалаеўнай Абраменка.

У сваім выступе А. М. Абраменка падрабязна асвятліла напрамкі работы Міністэрства, звязаныя з процідзеяннем манапалістычнай дзейнасці і недобрасумленнай канкурэнцыі, а таксама з развіццём канкурэнцыі ў цэлым, і практычныя аспекты разгляду ім заяў аб парушэннях антыманапольнага заканадаўства. Дзякуючы інтэрактыўнай падачы матэрыялу, падмацаванай шматлікімі прыкладамі рэальных спраў, выступленне выклікала ў магістрантаў вялікую цікавасць і дазволіла ім атрымаць вычарпальныя адказы на зададзеныя пытанні.