3 кастрычніка на факультэце міжнародных адносін адбылася традыцыйная сустрэча выпускнікоў, якая ў гэты раз была прысвечана 25-годдзю факультэта. Сустрэча праходзіла пры актыўнай падтрымцы клуба выпускнікоў ФМА БДУ firbsualumniclub, а таксама студэнцкага саюза ФМА.
Сустрэчу адкрыў дэкан факультэта міжнародных адносін В. Г. Шадурскі. Ён сардэчна павіншаваў прысутных са святам, а таксама распавёў пра поспехі факультэта за ўвесь перыяд яго існавання. У рамках мерапрыемства ўжо другі год запар выпускнікам ФМА была ўручана Прэмія «FIR BSU ALUMNI AWARDS» за актыўную падтрымку Almamater.
Лаўрэатамі дадзенай прэміі сталі:
- Шкода Аляксандра Сяргееўна – выпускніца спецыяльнасці "Міжнародныя адносіны" 2015 года.
- Шкарбута Кацярына Дзмітрыеўна – выпускніца спецыяльнасці "Міжнароднае права" 2017 года.
- Русак Анастасія Віктараўна – выпускніца спецыяльнасці "Сусветная эканоміка» 2004 года.
- Смалей Уладзімір Сяргеевіч – выпускнік спецыяльнасці "Менеджмент (у сферы міжнароднага турызму)» 2020 года.
- Пракапович Таццяна Аляксандраўна – выпускнік спецыяльнасці «Мытная справа» 2018 года.
- Машарскі Кірыл Генадзьевіч – выпускнік спецыяльнасці «Лінгвакраіназнаўства» 2013 года.
Таксама студэнты факультэта падрыхтавалі канцэртную праграму для гасцей. Яна атрымалася цікавай і насычанай гумарам. Студэнты 1 курса спецыяльнасцяў «Міжнародныя адносіны» і «Сусветная эканоміка» прадставілі свае гумарыстычныя нумары, з якімі выступілі на «Капусніку — 2020».
Завяршаючы афіцыйную частку праграмы, дэкан ФМА В. Г. Шадурскі выказаў надзею на ўмацаванне супольнасці выпускнікоў ФМА, пажадаў ім прафесійнага росту і далейшых сустрэч.
Затым госці змаглі абмяняцца навінамі з асабістага жыцця і абмеркаваць прафесійныя пытанні. Усе выпускнікі з цеплынёй успаміналі гады свайго студэнцтва, жадалі факультэту наступнага росквіту і выказвалі надзею на далейшае плённае супрацоўніцтва.
Завяршылася сустрэча выпускнікоў традыцыйна — на кафедрах факультэта.
