29 верасня 2020 г. дацэнтам кафедры міжнароднага прыватнага і еўрапейскага права Н. Г. Маскаевай ў рамках дысцыпліны «Канкурэнцыя ў міжнародным прыватным праве» арганізавана сустрэча магістрантаў спецыяльнасці "Юрыспрудэнцыя" з адвакатам адвакацкага бюро «Сцепаноўскі, Папакуль і партнёры» Антонам Аляксандравічам Навіцкім.
У ходзе сустрэчы А.А. Навіцкім былі комплексна асветлены пытанні інстытуцыйнай сістэмы абароны ад манапалістычнай дзейнасці і нядобрасумленнай канкурэнцыі ў Рэспубліцы Беларусь і Еўразійскім эканамічным саюзе, праблемныя аспекты практыкі прымянення айчыннага антыманапольнага заканадаўства, прадстаўлены рэкамендацыі правільнага складання іскавых заяў і скаргаў на дзеянні нядобрасумленных канкурэнтаў. Дзякуючы змястоўнаму і інтэрактыўнаму характару выступу А.А. Навіцкага магістранты атрымалі ўсебаковыя адказы на цікавячыя іх пытанні, усвядомілі неабходнасць бесперапыннага павышэння свайго прафесійнага ўзроўню.
