Школа будучых эканамістаў-міжнароднікаў для абітурыентаў была праведзена кафедрай міжнародных эканамічных адносін 30 мая 2020 г.в анлайн-фармаце.
Старшы выкладчык Хмурович Ларыса Уладзіміраўна пазнаёміла ўдзельнікаў з гісторыяй кафедры і факультэта, ахарактарызавала асноўныя напрамкі дзейнасці кафедры, звярнула ўвагу абітурыентаў на адрозненні навучання ў школе і ва ўніверсітэце, а таксама правяла цікавую віртуальную 3-D экскурсію па факультэце міжнародных адносін, паказаўшы найбольш важныя і цікавыя месцы.
Юрава Наталля Вячаславаўна, загадчык кафедры міжнародных эканамічных адносін, дала каштоўныя парады ўдзельнікам канферэнцыі ў прыняцці рашэння аб паступленні на наш факультэт, распавяла аб усіх вартасцях і плюсах навучання, аб магчымасцях і перспектывах, якія адкрываюцца перад студэнтамі ФМА. Больш за тое, абітурыентам пашчасціла ўпершыню пабываць на анлайн-лекцыі, прачытанай Наталляй Вячаславаўнай, даведацца шмат новага аб сусветнай эканоміцы.
Яшчэ больш цікавай і інфарматыўнай праведзеную анлайн-сустрэчу з абітурыентамі зрабіла выступленне студэнтак 1 курса спецыяльнасці "Сусветная эканоміка» з прэзентацыяй, якая адкрывае абітурыентам дзіўны і захапляльны свет студэнцкага жыцця з іншага боку. Гаворка ідзе пра мерапрыемствы, якія кожны год праводзяцца для першакурснікаў з мэтай іх актыўнага знаёмства і ўзаемадзеяння адзін з адным. Кафедра міжнародных эканамічных адносін дзякуе Бутэнка Уладзе, Казубоўскай Паліне і Рацьковай Аліне за актыўны ўдзел у падрыхтоўцы і правядзенні анлайн-школы.
Можна смела сказаць: абітурыенты, якія прынялі ўдзел у мерапрыемстве, засталіся вельмі задаволеныя. У сваіх водгуках яны напісалі наступнае:
«Анлайн-школа была інфарматыўнай і займальнай. Спадабаўся віртуальны 3-D тур па факультэце, наглядны прыклад, як праходзяць лекцыі, а таксама аповед студэнтаў пра жыццё факультэта» (Алейнік Е.)
«Анлайн-школа спадабалася. Анлайн-лекцыя па сусветнай эканоміцы — выдатная ідэя і вельмі актуальная для абітурыентаў. Дзякуй вялікі Наталлі Вячаславаўне, Ларысе Уладзіміраўне і студэнтам!» (Куксова А.)
«Мне вельмі спадабалася дадзеная анлайн-школа! Уся атрыманая інфармацыя была цікавай і важнай для мяне. Дзякуючы дадзенай школе я змагла атрымаць адказы на многія пытанні, якія мяне турбавалі, і прачуць атмасферу, якая пануе ў дадзенай навучальнай установе». (Ячэйка Я.)
Л. В. Хмуровіч, старшы выкладчык
П. А. Казубоўская, студэнтка 1 курса