14 мая 2020 г. па ініцыятыве факультэта міжнародных адносін БДУ з анлайн лекцыяй «Абмежаванні правоў чалавека: практыка Еўрапейскага суда па правах чалавека» перад нашымі студэнтамі выступіў суддзя Еўрапейскага суда па правах чалавека Лаціф Гусейнаў. На лекцыі прысутнічалі не толькі беларускія, але і ўкраінскія і расійскія студэнты і выкладчыкі.
У ходзе лекцыі абмяркоўваліся пытанні дапушчальных падстаў абмежавання правоў і свабод чалавека з апорай на адзін з асноватворных дакументаў у галіне правоў чалавека — Еўрапейскую канвенцыю аб абароне правоў чалавека і асноўных свабод, а таксама асноўных сродкаў прававой абароны парушаных правоў. Была закранута і такая актуальная тэма, як уплыў пандэміі каранавіруса на адпраўленне правасуддзя ў розных прававых сістэмах, на правы чалавека і свет у цэлым. Суддзя таксама падзяліўся прафесійным вопытам у галіне найбольш кантрасных прэцэдэнтаў, якія цікавілі студэнтаў.
Сярод актыўных удзельнікаў дыскусій — студэнты факультэта міжнародных адносін БДУ. Некаторыя з іх падзяліліся ўражаннямі:
«Дзякуючы лекцыі, я замацавала веды аб тым, што такое абсалютныя правы, што ўяўляе сабой дактрына пэўных абмежаванняў, даведалася формулу, якую прымяняе ЕСПЧ у рашэннях па справах. Мне здаецца, галоўнай перавагай лекцыі быў выдатны лектар — з шматлікімі разнастайнымі прыкладамі, лёгкім пачуццём гумару і несумненна глыбокім разуменнем сваёй працы». Анастасія Навіцкая, 1 курс "Міжнароднае права".
«Лекцыя была вельмі цікавай і інфарматыўнай! Было цікава прыняць удзел у абмеркаваннях!» Малайым Назаргылыджава, 1 курс "Міжнароднае права"
«Нягледзячы на тое, што прадмет лекцыі яшчэ не вывучаўся ў дастатковай ступені на 1 курсе, усё было зразумела і вельмі цікава. Асаблівае задавальненне даставілі непасрэдныя абмеркаванні з удзелам студэнтаў, разгарэлася сапраўдная дыскусія. Цікава і тое, што ў сілу прысутнасці на лекцыі студэнтаў з розных краін, атрымалася ўсебакова разгледзець некаторыя прававыя пытанні ". Ульяна Гулянок, 1 курс "Міжнароднае права".
Мы дзякуем Лаціфу Гусейнаву за займальную лекцыю і з нецярпеннем чакаем паўторнай сустрэчы ў Мінску!
Ульяна Гулянок, 1 курс спецыяльнасць "Міжнароднае права"
ФМА выказвае падзяку Савету Еўропы і асабіста Крысціне Хахловай за арганізацыю лекцыі.
{gallery}2020/2020_05_14_02{/gallery}