Нягледзячы на новыя і нечаканыя абставіны, звязаныя з эпідэміялагічнай сітуацыяй у краіне і свеце, клуб аматараў карэйскай мовы і культуры імя караля Сяджона не спыніў сваю дзейнасць, а, наадварот, хутка адаптаваўся да новых умоў і перанёс усе свае заняткі і мерапрыемствы ў анлайн-прастору. Выкладчыкі клуба апрабавалі некалькі анлайн-платформаў, прызначаных для ажыццяўлення відэазванкоў, і ў выніку аднагалосна спынілі свой выбар на Zoom, які адрозніваецца добрай якасцю аўдыё- і відэасувязі. Вядома, нешта прыйшлося адаптаваць, але, у цэлым, выкладчыкам атрымалася цалкам захаваць звыклы для іх саміх і для наведвальнікаў рэжым і фармат заняткаў. Дзякуючы функцыям «Дэманстрацыя экрана» і «Дошка паведамленняў» не ўзнікае праблем пры тлумачэнні новых тэм. Магчымасць дзяліцца гукам камп'ютара дазваляе выкладчыкам праводзіць заняткі па аудзіраванню з добрай якасцю гуку. А «сесійнай залы» апынуліся выратаваннем пры выкананні вусных заданняў у парах і групах: дадзеная функцыя дае магчымасць арганізатару разбіваць удзельнікаў канферэнцыі на больш дробныя «падканферэнцыі», у якіх кожная пара або група можа працаваць самастойна, асобна ад усіх астатніх.
Клуб імя караля Сяджона не толькі працягвае праводзіць заняткі, але таксама не стаў адмаўляцца і ад такіх штогадовых мерапрыемстваў, як конкурс вусных выступаў і конкурс сачыненняў. У маі плануецца правесці абодва гэтыя мерапрыемствы з выкарыстаннем анлайн-тэхналогій. Так, удзельнікі, журы і выкладчыкі пазбаўленыя сёлета магчымасці сустрэцца для правядзення гэтых конкурсаў у аўдыторыі, але можна толькі парадавацца, што дзякуючы інтэрнэту і сучасным сродкам аўдыё- і відэасувязі няма неабходнасці адмаўляцца ад мерапрыемстваў, якіх цэлы год чакаюць як студэнты, якія вывучаюць карэйскую мову, так і выкладчыкі.
У цэлым, неабходнасць адаптаваць заняткі па карэйскай мове пад анлайн-фармат хоць і стала нечаканасцю, але адназначна не праблемай, а толькі паслужыла новым цікавым вопытам, які дазволіць клубу імя караля Сяджона і ў далейшым пры неабходнасці звяртацца да выкарыстання анлайн-тэхналогій.
Мітчанка А. С., выкладчык
