На базе перакладчыцкага факультэта МДЛУ прайшоў фінал I Рэспубліканскага конкурсу перакладу, прысвечанага сёлета знакавай падзеі ў гісторыі краіны — 75-годдзю Вялікай Перамогі.
У адборачным і фінальным турах конкурсу прынялі ўдзел студэнты БДУ, МДЛУ, БГУЭ, БДУІР, Акадэміі кіравання пры Прэзідэнце РБ, Гомельскага дзяржаўнага ўніверсітэта імя Францыска Скарыны і шэрагу іншых ВНУ краіны. Удзельнікам было прапанавана перакласці тэксты ваеннай тэматыкі і слоганы ваеннага часу з рускай мовы на англійскую і з англійскай на рускую. Работы студэнтаў ацэньваліся вопытнымі выкладчыкамі і прафесійнымі перакладчыкамі па такіх крытэрах, як сэнсавая дакладнасць, адпаведнасць моўнай норме мовы перакладу, прагматычная адаптацыя тэксту і творчы падыход да перакладу.
У конкурсе ўдзельнічалі студэнты спецыяльнасці "Сусветная эканоміка» Дуброўская Ганна, Вільчыцкая Аляксандра (4 курс), спецыяльнасці "Менеджмент» Смалей Уладзімір (4 курс), Глекаў Валянцін (3 курс).
Студэнты Уладзімір Смалей і Валянцін Глекаў былі ўзнагароджаны Дыпломамі III ступені.
Усе студэнты атрымалі сертыфікаты ўдзельніка.
Віншуем! Жадаем новых дасягненняў і поспехаў у прафесійнай перакладчыцкай дзейнасці!
Кафедра англійскай мовы эканамічных спецыяльнасцяў