У чацвер, 23 красавіка, студэнты і выкладчыкі факультэта міжнародных адносін прынялі ўдзел у on-line лекцыі Дарадчыка па палітычных пытаннях пасольства Рэспублікі Беларусь у Італьянскай Рэспубліцы Васількова У. У. Уладзімір Уладзіміравіч з'яўляецца выпускніком факультэта міжнародных адносін, працаваў у Беларускім тэлеграфным агенцтве (БелТА) , а з 2010 года – у сістэме Міністэрства замежных спраў Рэспублікі Беларусь.
Тэма лекцыі — «Асаблівасці палітычнай сістэмы Італіі». У ходзе лекцыі Уладзімір Уладзіміравіч надаў увагу гісторыі прыняцця Канстытуцыі Італіі, фармаванню палітычнай сістэмы ў тым выглядзе, у якім яна існуе на сённяшні дзень, яе моцным і ўразлівым бакам. У канцы сустрэчы, адказваючы на пытанні студэнтаў, Васількоў У. У. распавёў пра перспектывы інвестыцыйнага і эканамічнага партнёрства Беларусі і Італіі, характары іх супрацоўніцтва ў рамках Цэнтральна-Еўрапейскай ініцыятывы. Ад імя студэнтаў і выкладчыкаў факультэта міжнародных адносін выказваем падзяку Уладзіміру Уладзіміравічу за такую інфарматыўную лекцыю.
Уладзіслаў Бейнар, студэнт 3 курса
{gallery}2020/2020_04_23{/gallery}