9 красавіка 2020 года адбылася другая анлайн-сустрэча студэнтаў ФМА з паслом Рэспублікі Польшча Артурам Міхальскім на пляцоўцы Join me now in my Personal Room. Відэаканферэнцыя, тэмай якой стала палітыка, праводзілася пры садзейнічанні і ўдзеле дэкана ФМА прафесара Віктара Генадзьевіча Шадурскага. Студэнты, якія вывучаюць польскую мову, і выкладчыкі польскай мовы змаглі даведацца шмат новага пра гісторыю і культурныя традыцыі Польшчы. Спадар амбасадар распавёў пра асноўныя этапы развіцця і пераломныя моманты польскай палітыкі, асаблівую ўвагу надаў фарміраванню польска-беларускіх адносін на сучасным этапе.
Адказваючы на пытанні слухачоў, Артур Міхальскі распавёў аб палітычным становішчы ў Рэспубліцы Польшча сёння і падзяліўся асабістым вопытам станаўлення як палітыка.
Напрыканцы лекцыі студэнты і выкладчыкі цёпла падзякавалі спадару паслу за магчымасць правядзення анлайн-канферэнцый і выказалі надзею на працяг гэтай цудоўнай традыцыі.
Ганна Войцік, студэнтка 2 курса спецыяльнасці "Мытная справа"