10 красавіка 2020 года на платформе ZOOM адбылася on-line лекцыя прафесара Дэвіда Шульца (Professor David Schultz, Hamline University, Department of Political Science, USA) на тэму "US presidential election and how it impacts US foreign policy." На лекцыі прысутнічала каля 60 чалавек. Сваімі ўражаннямі аб лекцыі падзяліліся студэнты 2 курса аддзялення "Міжнародныя адносіны" і "Міжнароднае права".
Кацярына Бялова (2 курс МА): «Перш за ўсё хацелася б выказаць вялікую ўдзячнасць самому прафесару і дэканату факультэта за прадстаўленую магчымасць, знаходзячыся па-за будынкам факультэта, быць слухачом такой інфарматыўнай лекцыі.
Хочацца адзначыць, што выступленне было карысна не толькі нам, студэнтам ФМА, але і студэнтам іншых факультэтаў, якія таксама прысутнічалі. Прафесар Шульц дзяліўся інфармацыяй пра выбарчую сістэме ЗША, распавёў пра тое, якія этапы яна ў сабе ўтрымлівае, а таксама правёў кароткі экскурс у гісторыю Штатаў. Ён быў вельмі адкрыты аўдыторыі і адказваў на ўсе пытанні. Лекцыя атрымалася вельмі жывой, пазнавальнай і вельмі карыснай для нас. Вялікі дзякуй!!!!"
Аляксандра Кашкан (2 курс ): «Было вельмі цікава і пазнавальна папрысутнічаць на лекцыі амерыканскага прафесара Дэвіда Шульца з пункту гледжання практыкі англійскай мовы, а таксама новых ведаў аб прэзідэнцкіх выбарах у Амерыцы. За час лекцыі я змагла даведацца шмат новага для сябе. Прафесар распавёў пра тое, як менавіта праходзяць прэзідэнцкія выбары ў Злучаных Штатах Амерыкі і чым жа яны адрозніваюцца ад выбараў ва ўсім астатнім свеце, аб самых уплывовых палітычных партыях краіны, а таксама пра тое, як праходзіць галасаванне ў розных штатах. Мне было вельмі цікава пачуць асабістае меркаванне прафесара з нагоды будучых прэзідэнцкіх выбараў, адносіны саміх амерыканцаў да іх выбарчай сістэмы, а таксама з нагоды цяперашняй сітуацыі ў свеце, і як яна ў цэлым паўплывае на палітыку Амерыкі».
Анастасія Несцярэнка (2 курс МА): «На мой погляд, лекцыя прафесара Дэвіда Шульца была для ўсіх, хто вывучае англійскую мову на пачатковым узроўні, вельмі карыснай, так як мы змаглі не толькі паслухаць носьбіта мовы, але і пазнаць многа новых і цікавых слоў. Сама лекцыя была прысвечана выбарам у ЗША, мы змаглі пазнаёміцца з той інфармацыяй, якая карысная нам, як спецыялістам у галіне міжнародных адносін. Акрамя таго, хочацца звярнуць увагу на той факт, што выказваўся не толькі прафесар, але і студэнты праяўлялі актыўнасць, задаючы пытанні. Гэта быў не проста маналог аднаго чалавека, а сапраўдны дыялог паміж выкладчыкам і студэнтамі. Варта таксама адзначыць манеру, у якой Дэвід Шульц вёў лекцыю. Інфармацыя па такой складанай тэме як выбары ў Злучаных Штатах успрымалася лёгка менавіта таму, што прафесар даносіў яе, карыстаючыся сваёй прыроднай харызмай».
Арцём Грыгаран (2 курс МП): «Не так даўно адбылася выдатная лекцыя амерыканскага прафесара Д. Шульца. Асабліва прыемным было атрыманне жывога ўяўлення аб правядзенні выбараў у ЗША не проста з падручніка, а ад чалавека, які жыве ў гэтай краіне і непасрэдна ўключаны ў выбарчую сістэму. Вядома, даволі шмат чаго мне было ўжо вядома, і, тым не менш, у прафесара Шульца атрымалася мяне здзівіць. Акрамя выдатна прадастаўленай інфармацыі асобную ўвагу хацелася б надаць таму факту, што нам удалося пагутарыць, а дакладней паслухаць, носьбіта мовы. Гэта была карысная практыка, бо адзін толькі факт таго, што ў нас была магчымасць прысутнічаць на лекцыі амерыканскага выкладчыка, дастаўляла неверагоднае задавальненне. Хацелася б падзякаваць арганізатарам за такую магчымасць».
