21 студзеня 2020 года магістранты спецыяльнасці "Юрыспрудэнцыя" факультэта міжнародных адносін і дацэнт кафедры міжнароднага прыватнага і еўрапейскага права Н. Г. Маскаева наведалі судовае пасяджэнне Калегіі Суда Еўразійскага эканамічнага саюза па разглядзе справы па заявах закрытага акцыянернага таварыства «Дэльрус» і таварыства з абмежаванай адказнасцю «Дэльрус РК» аб аспрэчванні рашэння Калегіі Еўразійскай эканамічнай камісіі ад 17 верасня 2019 года № 165 "Аб парушэнні агульных правілаў канкурэнцыі на трансгранічных рынках".

Удзел у пасяджэнні дазволіў атрымаць каштоўныя веды аб разглядзе спраў у Судзе ЕАЭС (у тым ліку аб даследаванні доказаў, вырашэнні заяў і хадайніцтваў, судовых спрэчках і рэпліках), аб практыцы прымянення норм канкурэнтнага права ЕАЭС, усвядоміць вельмі высокі прафесіяналізм суддзяў Суда ЕАЭС, а таксама запатрабаванасць прадстаўнікоў юрыдычнай прафесіі, якія спецыялізуюцца ў адпаведнай сферы.