28 кастрычніка 2019 г. на факультэце міжнародных адносін БДУ адбылася сустрэча студэнтаў спецыяльнасці "Менеджмент у сферы міжнароднага турызму", выкладчыкаў кафедры міжнароднага турызму і кафедры раманскіх моў з Ганаровым консулам Беларусі на Сардзініі Джузэпэ Карбоні.
Падчас сустрэчы спадар Карбоні асвятліў пытанні развіцця турыстычных дыстынацый Італіі, падзяліўся вопытам прасоўвання турысцкага прадукту на прыкладзе вострава Сардзінія, падкрэсліў важнасць адукацыі і падрыхтоўкі кадраў у развіцці турызму на міжнародным і нацыянальным узроўнях.
На заканчэнне сустрэчы загадчык кафедры міжнароднага турызму Л. М. Гайдукевіч абмеркаваў са спадаром Карбоні магчымасць супрацоўніцтва, адзначыўшы высокую падрыхтаванасць беларускіх студэнтаў, а таксама гатоўнасць атрымаць замежны вопыт.
Пасля выступу ва ўдзельнікаў сустрэчы была ўнікальная магчымасць напрамую звярнуцца да спадара Карбоні і задаць пытанні.