15 кастрычніка ў Доме Дружбы адбылася сустрэча з Надзвычайным і Паўнамоцным Паслом Аўстрыйскай Pэспублікі ў Рэспубліцы Беларусь Алаізай Вёргетэр. У сустрэчы прынялі ўдзел студэнты другога курса нашага факультэта (спецыяльнасць "Сусветная эканоміка") разам са старшым выкладчыкам кафедры германскіх моў Чарняўскім А. А.

Спадарыня Алаіза ў сваім выступе закранула шырокі спектр тэм: ад падабенстваў і адрозненняў беларускай і аўстрыйскай культуры і традыцый, актуальных праблем сучаснага грамадства ў Аўстрыі, гістарычнай спадчыны абедзвюх дзяржаў да магчымасцяў і перспектыў далейшага супрацоўніцтва Аўстрыі і Беларусі. Пасля выступу ва ўдзельнікаў дыскусійнага клуба, у фармаце якога і прайшло дадзенае мерапрыемства, з'явілася унікальная магчымасць напрамую звярнуцца да спадарыні Вёргетэр і задаць пытанні.