24 кастрычніка 2019 г. з 14.00 да 18.00 на факультэце міжнародных адносін БДУ адбудзецца Круглы стол, прысвечаны 70-годдзю Жэнеўскіх канвенцый аб абароне ахвяр узброеных канфліктаў.

У ходзе мерапрыемства плануецца абмеркаванне сучасных тэндэнцый змены прыроды ўзброеных канфліктаў і іх уплыву на развіццё міжнароднага гуманітарнага права, праблемных аспектаў імплементацыі нормаў міжнароднага гуманітарнага права.

Працоўныя мовы – англійская, руская.

Дакладчыкамі выступяць як вядучыя беларускія вучоныя ў галіне міжнароднага права, так і прадстаўнікі дзяржаўных органаў Рэспублікі Беларусь, Міжнароднага Камітэта Чырвонага Крыжа і Беларускага Таварыства Чырвонага Крыжа.

Круглы стол адбудзецца па адрасе: г. Мінск, вул. Ленінградская, 20, аўд. 516 (факультэт міжнародных адносін БДУ).

Да ўдзелу ў круглым стале і дыскусіі запрашаюцца ўсе выкладчыкі, аспіранты, магістранты, якія цікавяцца тэматыкай міжнароднага гуманітарнага права.