12 верасня 2019 г. прафесар кафедры міжнароднага прыватнага і еўрапейскага права Алена Фёдараўна Доўгань выступіла ў якасці эксперта на панэльнай дыскусіі паводле рэзалюцыі Савета ААН па правах чалавека 27/21 ад 26 верасня 2014 г. "Шлях да распрацоўкі Дэкларацыі ААН пра негатыўны ўплыў аднабаковых прымусовых мер на правы чалавека, уключаючы права на развіццё ."

На пасяджэнні, узначаленым Старшынёй Савета ААН па правах чалавека, абмяркоўваліся праблемы і негатыўныя наступствы прымянення аднабаковых прымусовых мер на правы чалавека, перспектывы прыняцця і элементы Дэкларацыі пра негатыўны ўплыў аднабаковых прымусовых мер на ўсе правы чалавека, уключаючы права на развіццё.