24 мая 2019 г. адбыўся відэамост паміж факультэтамі міжнародных адносін БДУ і Санкт-Пецярбургскага дзяржаўнага ўніверсітэта. Вядучыя спецыялісты па міжнародных адносінах ва ўсходнееўрапейскім рэгіёне абмеркавалі актуальныя пытанні будавання ўзаемаадносінаў Беларусі і Расіі з прыбалтыйскімі дзяржавамі. Дэкан факультэта міжнародных адносін БДУ, доктар гістарычных навук, прафесар В. Г. Шадурскі адзначыў глыбокую гістарычную сувязь паміж народамі Беларусі і Расіі, а таксама важнасць выбудоўвання ўзгодненай знешняй палітыкі Мінска і Масквы на міжнароднай арэне. Доктар гістарычных навук, загадчык кафедры дыпламатычнай і консульскай службы А. В. Русаковіч раскрыў асноўныя аспекты ваеннага супрацоўніцтва паміж Беларуссю і Расіяй. Кандыдат гістарычных навук, дацэнт І. М. Аўласенка пазначыў ключавыя прыярытэты знешняй палітыкі Рэспублікі Беларусь у дачыненні да дзяржаў Прыбалтыкі. Кандыдат гістарычных навук, дацэнт А. А. Валодзькін у сваім дакладзе звярнуў увагу на асноўныя напрамкі супрацоўніцтва краін Балтыйскага рэгіёну ў галіне бяспекі. Дырэктар Цэнтра еўрапейскай інтэграцыі Ю. В. Шаўцоў спыніўся на патэнцыяле Калінінградскай вобласці ў сферы супрацоўніцтва дзяржаў Балтыйскага рэгіёну.
Са свайго боку, калегі з Санкт-Пецярбурга прааналізавалі падыходы асноўных палітычных сілаў у прыбалтыйскіх краінах на выбудоўванне адносін з Беларуссю і Расіяй, вылучылі сваё тлумачэнне знешнепалітычнай стратэгіі прыбалтыйскіх краін, зыходзячы з найноўшых метадалагічных канцэпцый, а таксама падкрэслілі важнасць акадэмічных абменаў у рамках Саюзнай дзяржавы. Доктар гістарычных навук, прафесар Н. М. Мяжэвіч выказаў меркаванне, што гэты вопыт стаў карысным і дапамог супрацоўнікам абодвух факультэтаў пазнаёміцца з асноўнымі падыходамі, якія выкарыстоўваюць калегі пры аналізе знешнепалітычнай дзейнасці.
Відэаканферэнцыя з навукоўцамі з Санкт-Пецярбурга стала ўдалым прыкладам прымянення найноўшых інфармацыйных тэхналогій для апрабацыі вынікаў навуковых даследаванняў і абмену думкамі па найбольш актуальных праблемах міжнародных адносін ва ўсходнееўрапейскім рэгіёне.
