14 мая ў рамках стартаваўшага ў лютым 2018 года праекта «Форум маладых лідараў (YLF) ФМА БДУ» у каворкінг-цэнтры «Джон Голт» адбылася нефармальная сустрэча "Размова ля каміна" каманды маладых лідараў факультэта з удзельнікамі двухгадовага праекту «YLFBelarus», які праходзіў з 2010 г. па 2011 год. Аб'яднаўчым момантам гэтых двух разнесеных па часе праектаў выступіў паспяхова зарэкамендаваўшы сябе ў многіх краінах свету фармат адкрытага адукацыйнага форуму, мэтай якога з'яўляецца выяўленне і аб'яднанне маладых людзей з высокім прафесійным патэнцыялам, актыўнай жыццёвай пазіцыяй, якія валодаюць, у першую чаргу, такімі лідарскімі якасцямі як ініцыятыўнасць і адказнасць. Сама праграма форуму пабудавана на прынцыпах праактыўгага метаду навучання і мае на ўвазе суб'ектнасць удзельнікаў у яе фарміраванні і напаўненні.
Ключавымі фактарамі, якія непасрэдна вызначалі кірунак размовы ўдзельнікаў двух праектаў, пачатку і канца другой дэкады XXI стагоддзя, сталі аспекты лідарства, эфектыўнасці каманднага ўзаемадзеяння і праектнай дзейнасці. Асаблівая ўвага была ўдзелена так званым «мяккім кампетэнцыям» (softskills), асаблівым асобасным і сацыяльным якасцям, а таксама міждысцыплінарным метадычным ведам, навыкам і уменням, якія адыгрываюць велізарную ролю ў прафесійным станаўленні і ступені паспяховасці любога чалавека.
Праект YLFBelarus, пілатуемы рэгіянальным Прадстаўніцтвам Фонду ім. Фрыдрыха Эберта ва Украіне і Беларусі, праводзіўся ў 2011 годзе ў маштабах усёй нашай краіны. Гэта быў, бясспрэчна, паспяховы праект, якому ўдалося аб'яднаць пад сваім крылом лепшых прадстаўнікоў студэнцкай моладзі рэспублікі. І асабліва прыемна, што сямёра з 25 удзельнікаў з'яўляліся студэнтамі нашага факультэта. Аб паспяховасці праекта сведчаць тыя поспехі і дасягненні ў розных сферах грамадскай і прафесійнай дзейнасці, якія могуць запісаць сабе ў актыў яго ўдзельнікі. Сярод выпускнікоў праекта ёсць выкладчык брытанскага ўніверсітэта, палітычны аглядальнік, дырэктар аналітычнага цэнтра, кадравы дыпламат, бізнес-аналітыкі, прадпрымальнікі, навукоўцы, кіраўнікі вышэйшага звяна камерцыйных кампаній і г.д. Экс-удзельнікі форуму, запрошаныя ўжо ў якасці гасцей дзеючага праекта, пабудаванага па алгарытмах логікі такога ж фармату, дзяліліся сваімі думкамі, пазітыўным і негатыўным вопытам, ілюструючы яго прыкладамі з уласнага жыцця, давалі рэкамендацыі і адказвалі на пытанні ў рамках агучаных вышэй тэматычных аспектаў. Будучы першапраходцамі фармату, яны ў свой час перажывалі тыя ж цяжкасці, сутыкаліся з тымі ж праблемамі, якія спадарожнічаюць любой праектнай дзейнасці, каманднаму ўзаемадзеянню і праактыўным метадам навучання і, таму, аднойчы прапусціўшы гэта праз сябе, ім не склала цяжкасці быць, што называецца, на адной хвалі з тымі, каму сёння толькі трэба будзе прайсці гэта.
Такога роду кантакты і сустрэчы вельмі важныя не толькі ў змястоўным плане, яшчэ большую каштоўнасць яны прадстаўляюць сабой дзякуючы тым імпульсам і пазітыўнаму эмацыйнаму фону, якія нясуць у сабе гісторыі любога поспеху і якія так неабходны для стварэння доўгачасовай устойлівай матывацыі.
Павел Тышкевіч, 2 курс, спецыяльнасць "Менеджмент у сферы міжнароднага турызму"
Каардынатар праекта — С. В. Палічэнкаў, старшы выкладчык кафедры германскіх моў
