Юрыдычная фірма Sorainen аб'яўляе набор на праграму Shadow week для студэнтаў юрыдычных спецыяльнасцяў ФМА 1-га курса.

Sorainen Shadow week — гэта праграма, створаная адмыслова для таго, каб студэнты 1-га курса змаглі зразумець, што азначае праца юрыста на практыцы і адчуць, як гэта — працаваць у юрыдычнай фірме.

Праграма праходзіць 2 разы на год: зімой і летам, падчас студэнцкіх вакацый. Працягласць праграмы складае 1 тыдзень. На працягу тыдня ўдзельнікі маюць магчымасць паназіраць за дзеяннямі нашых юрыстаў, папрацаваць сумесна над групавым заданнем і нават атрымаць сапраўднае заданне ад юрыста. Удзельнікамі праграмы могуць стаць студэнты 1-га курса (якія правучыліся мінімум 1 семестр або толькі скончылі 1-ы курс) юрыдычных спецыяльнасцяў.

Вось выказванні студэнтаў, якія прымалі ўдзел у праграме Sorainen Shadow week:

"Гэтая праграма дала мне матывацыю для далейшай вучобы і развіцця сваіх навыкаў, карысных і незаменных у працы юрыста, дазволіла вызначыць сферу інтарэсаў і мэты для дасягнення".

"Хочацца выказаць вялікую ўдзячнасць за магчымасць пабыць часткай офіса юрыдычнай фірмы Sorainen. Дзякуй за каштоўны вопыт і парады. Гэтая праграма вельмі змяняе стаўленне да прафесіі і разуменне працы".

"У рамках праграмы для мяне найбольш каштоўным стаў вопыт, які я атрымала ад прафесіяналаў сваёй справы. Зносіны з імі дапамаглі мне зразумець, што значыць быць юрыстам і якімі якасцямі трэба валодаць, каб дамагчыся вынікаў. Вельмі натхнілі рэальныя прыклады людзей, у якіх варта павучыцца. Акунуцца ў рэальную атмасферу працы, нават на тыдзень, дапамагае адчуць усе асаблівасці гэтай работы і вызначыць прыярытэты ў далейшым навучанні, а таксама ўдасканальваць і напрацоўваць патрэбныя якасці".

Што мы прапануем:

• на адзін тыдзень акунуцца ў атмасферу юрыдычнай фірмы і адчуць, як працуе юрыдычны бізнес знутры
• магчымасць пабыць «ценем» юрыста і даведацца, з чаго складаецца яго штодзённая праца і што значыць быць юрыстам на практыцы
• пачуць рэальныя гісторыі юрыстаў аб іх кар'ерным шляху, выбары практыкі і розных перашкодах
• паўдзельнічаць у падрыхтоўцы групавога задання
• вопыт публічнага выступу ў межах прэзентацыі выкананага групавога задання калегам нашага офіса.

Што мы чакаем ад вас:

• праграма разлічана толькі на студэнтаў 1-га курса
• веданне англійскай мовы
• высокія акадэмічныя вынікі
• жаданне вучыцца і пазнаваць прафесію юрыста.

Бліжэйшы Shadow week пройдзе з 8 па 12 ліпеня. Каб падаць заяўку на ўдзел у праграме, калі ласка, запоўніце Google Форму, прайшоўшы па спасылцы. Перыяд падачы заявак працягнецца да 15 чэрвеня ўключна. Вынікі адбору будуць вядомыя не пазней за 20 чэрвеня.