Выкладчыкі кафедры англійскай мовы эканамічных спецыяльнасцяў Пасейшвілі І. Н., Морава Л. А., Турло В. П. арганізавалі сустрэчу студэнтаў 2 і 3 курсаў спецыяльнасці "Сусветная эканоміка" з кіраўніком групы дыстанцыйнага навучання ў EPAMSystems Марынай Мельнік. У ходзе сустрэчы Марына распавяла пра сябе і падзялілася багатым жыццёвым вопытам у галіне навучання за мяжой і працы ў розных сферах, у прыватнасці, у няўрадавых арганізацыях і ААН. Размаўляючы са студэнтамі, Марына параўнала асаблівасці сістэм адукацыі ў розных краінах, дала рэкамендацыі аб тым, як правільна карыстацца інфармацыяй аб стажыроўках за мяжой. Таксама прадстаўнік кампаніі закранула свой вопыт працы ў EPAM і падрабязна распавяла аб праектах, над якімі працуе група дыстанцыйнага навучання ў дадзены момант.

Марына ахвотна адказала на пытанні студэнтаў. Усе ўдзельнікі выяўлялі вялікую зацікаўленасць і актыўнасць на працягу ўсёй сустрэчы. Па выніках мерапрыемства прысутныя засталіся вельмі задаволеныя і атрымалі велізарны зарад матывацыі для жыцця, руплівай працы і вывучэння замежных моў.

Багдановіч Наталля, 2 курс "Сусветная эканоміка"