25 красавіка на кафедры англійскай мовы эканамічных спецыяльнасцяў прайшла чарговая міжнародная вэб-канферэнцыя для студэнтаў эканамічных спецыяльнасцяў, якія вывучаюць англійскую мову.
Магістранты спецыяльнасці "Кіраванне ў сацыяльных і эканамічных сістэмах" і студэнты спецыяльнасці "Сусветная эканоміка" факультэта міжнародных адносін Беларускага дзяржаўнага ўніверсітэта абмеркавалі са студэнтамі Фінансавага ўніверсітэта пры Урадзе Расійскай Федэрацыі (Масква) такія актуальныя пытанні як дзелавы стыль кіравання, карпаратыўная культура розных прадпрыемстваў і кампаній, метадалагічныя падыходы ў ацэнцы эфектыўнасці эканамічнай дзейнасці замежных прамысловых прадпрыемстваў, пытанні ў вербальнай і невербальнай камунікацыі ў сферы бізнесу, міжнародны рынак транспартных паслуг, спосабы папярэджання канфліктаў у дзелавых зносінах і культурных бар'ераў у бізнэсе. Асаблівую цікавасць і дыскусію выклікалі тэмы, якія тычацца метадаў кіравання ў розных краінах і культурах, вядзення бізнес-перамоваў і вырашэння канфліктаў, перавагі ведаў аб невербальнай камунікацыі, значэнне ўпаўнаважаных эканамічных аператараў пры ажыццяўленні знешнегандлёвай дзейнасці, сфера паслуг у транспартным сектары.
Вэб-канферэнцыя была падрыхтавана загадчыкам кафедры англійскай мовы эканамічных спецыяльнасцяў ФМА дацэнтам Святланай Аляксееўнай Дубінка і дацэнтам Нінай Пятроўнай Стараверавай (Масква).
Госцем канферэнцыі выступіла выкладчык англійскай мовы КАЯЭС ФМА ў 2018-2019 нав. г. у рамках праграмы імя Сенатара Фулбрайта (Fulbright English Teaching Assistantship Program) Элізабэт Льюіс, прадставіўшы даклад аб сучасным стане мытнай справы ў ЗША.
Мерапрыемства прайшло паспяхова, усе ўдзельнікі праявілі высокі камунікатыўны ўзровень валодання англійскай мовай і адчулі сябе актыўнымі ўдзельнікамі дыскусіі са сваімі калегамі з партнёрскага ВНУ, што дапамагло ацаніць свой прафесійны і моўны ўзровень і вызначыць спосабы далейшага ўдасканалення.
У завяршэнне канферэнцыі ўдзельнікі па традыцыі сумесна выканалі песню «LemonTree».
Вераніка Альшэўская і Крысціна Кокала, магістранты спецыяльнасці «Кіраванне ў сацыяльных і эканамічных сістэмах»
{gallery}2019/2019_04_25_02{/gallery}