23 сакавіка 2019 г. кафедра англійскай мовы гуманітарных спецыяльнасцяў арганізавала праходжанне адборачнага тура нацыянальнага раўнда конкурсу прамоўніцкага мастацтва на англійскай мове "International Public Speaking Competition (IPSC)" сумесна з кафедрай англійскай мовы эканамічных спецыяльнасцяў (каардынатар конкурсу –- ст. выкладчык Ірына Іванаўна Макарэвіч). Ініцыятарам гэтага міжнароднага конкурсу з'яўляецца брытанскі English Speaking Union (ESU) –унікальная ў сваім родзе арганізацыя, якая злучае людзей і культуры ва ўсім свеце. Гэты найбуйнейшы ў свеце конкурс прамоўніцкага мастацтва на англійскай мове праходзіць ужо ў 41 раз. У мінулым годзе ў ім прынялі ўдзел звыш 45 000 удзельнікаў ва ўзросце да 21 года з 70 краін свету.
У гэтым годзе ўдзельнікам конкурсу неабходна было падрыхтаваць індывідуальнае выступленне у рамках агульнай тэмы для вусных выступленняў на нацыянальным узроўні – "Nature is our common language". Акрамя выдатнага валодання англійскай мовай, удзельнікам неабходна было прадэманстраваць навыкі пераканання, логікі, аргументацыі. Увага аўдыторыі ўтрымлівалася на працягу пяці хвілін без мультымедыйнага суправаджэння.
Па словах членаў журы (Макарэвіч Т. І. Моравай Л. А., Маркасьян А. І., Лясоўскай І. А., Пасейшвили І. Н.) студэнты нашага факультэта годна праявілі сябе ў адборачным раўндзе конкурсу Public Speaking Competition па тэме " Nature is Our Common Language. "Сёння пытанні экалогіі, абароны навакольнага асяроддзя вылучаюцца на першы план сярод глабальных прыярытэтаў сусветнай супольнасці. Удзельнікі конкурсу з трывогай адзначалі, што ў нашы дні людзі не прывучаны берагчы прыроду, таму казаць пра шкоду, якая наносіцца чалавекам навакольнай прыродзе, а таксама нашаму здароўю, важна і актуальна. Прамоўцы паказалі дастаткова высокі ўзровень моўнай кампетэнцыі, крэатыўнае бачанне вострых пытанняў сучаснасці. Гледачы былі сведкамі цікавых і яркіх публічных выказванняў. Адчувалася, што самі ўдзельнікі гэтага значнага конкурсу атрымлівалі эстэтычнае задавальненне ад выступаў на англійскай мове.
28 сакавіка 2019 г. у Мінскім дзяржаўным універсітэце пройдзе паўфінал Міжнароднага конкурсу прамоўніцкага мастацтва на англійскай мове "Public Speaking Competition", дзе вызначыцца пераможца, які будзе прадстаўляць Рэспубліку Беларусь у фінале (Лондан, Вялікабрытанія).
Ад усёй душы пажадаем поспехаў нашым выдатным студэнтам-пераможцам адборачнага тура ФМА БДУ спецыяльнасцяў "Міжнароднае права", "Міжнародныя адносіны", "Сусветная эканоміка»: Зыкавай Ганне, Афонінай Марыі, Велімовіч Лізавеце, Рак Мілене, Суцько Аляксею, Харламавай Вікторыі, Хечаян Ганне. Мы вамі ганарымся!
