Подождите, идет загрузка сайта ...

1 сакавіка 2019 г. адбылася сустрэча студэнтаў 3 курса спецыяльнасці "Менеджмент (у сферы міжнароднага турызму)" з прафесійным перакладчыкам А. С. Кавалёвым, супрацоўнікам прадстаўніцтва арганізацыі «Лекары без межаў». Сустрэча была арганізавана ў рамках пасяджэння клуба перакладчыкаў кафедры англійскай мовы эканамічных спецыяльнасцяў «Translator / Interpreter in Professional Communication» (навуковы кіраўнік, дацэнт кафедры А. Ф. Дрозд) пры падтрымцы выкладчыкаў Л. В. Маркінай і Г. Г. Дзянісавай.

У ходзе выступлення Аляксандр Сяргеевіч распавёў студэнтам пра асаблівасці сінхроннага і паслядоўнага перакладу, неабходнасці працы ў камандзе, а таксама выканання прафесійнай этыкі; разгледзеў тыповыя памылкі, якія ўзнікаюць у перакладзе з рускай мовы на англійскую і з англійскай на рускую.

Шматгадовы ўдзел Аляксандра Сяргеевіча ў місіях «Лекараў без межаў», а таксама вялікі прафесійны вопыт выклікалі цікавасць у студэнтаў. Госць адказаў на ўсе пытанні, а ў канцы свайго выступу падзяліўся сакрэтамі і перакладчыцкімі прыёмамі, якія ў значнай меры могуць спрыяць ажыццяўленню якаснага перакладу.

Мы выказваем падзяку Аляксандру Сяргеевічу Кавалёву за выступленне і спадзяемся, што падобныя мерапрыемствы ў рамках клуба дапамогуць студэнтам удасканальваць навыкі перакладу i прынясуць карысць у іх далейшай перакладчыцкай дзейнасці.

Павел Татур, студэнт 3 курса спецыяльнасці "Менеджмент (у сферы міжнароднага турызму)» 

 

Кантактная інфармацыя

  • Адрас: г. Мінск, вул. Ленінградская, 20
  • Паштовы адрас: 220030, г. Мінск, пр. Незалежнасці, 4
  • Тэлефон: +375 17 209 59 77
  • e-mail: fir@bsu.by

Палітыка ў дачыненні да апрацоўкі cookie-файлаў

Мы ў сацыяльных сетках