У чацвер, 14 лютага, у рамках праекта «Форум маладых лідэраў YLF ФМА» было праведзена першае мерапрыемства гэтага года. У Пасольстве ФРГ адбылася нефармальная сустрэча ўдзельнікаў праекта, студэнтаў нашага факультэта, з Надзвычайным і Паўнамоцным Паслом Федэратыўнай Рэспублікі Германія ў Беларусі Петэрам Дэтмарам. Рабочым мовай мерапрыемства была абрана англійская. Тэма сустрэчы: "Новыя формы і асаблівасці сучаснай дыпламатыі. Важнейшыя аспекты нямецка-беларускіх адносін: стан і перспектывы."
Знаёмства спадар пасол пачаў з кароткай біяграфіі, спыніўшыся больш падрабязна на асобных этапах сваёй дыпламатычнай кар'еры. Асаблівую ўвагу ён надаў перыяду свайго знаходжання ў Рэспубліцы Беларусь у якасці пасла. Затым гасцямі сустрэчы быў прадстаўлены праект «Форум маладых лідэраў» у рэтраспектыве 2018 года. Студэнты патлумачылі асаблівасці фармату дадзенага праекта і адзначылі найбольш значныя мерапрыемствы праграмы мінулага года. Пасля гэтага гутарка перайшла ў рэжым пытанняў і адказаў.
У ходзе сустрэчы студэнты, якія прадстаўляюць спецыяльнасці «Сусветная эканоміка» і «Міжнародныя адносіны», змаглі задаць хвалюючыя пытанні, якія закранаюць эканамічныя і знешнепалітычныя трэкі міждзяржаўных адносін. Спадар пасол дэталёва распавёў пра кропкі сутыкнення ў двухбаковым супрацоўніцтве, уключаючы рэгулярныя палітычныя візіты нямецкага боку ў Беларусь, аб перспектыўных галінах узаемадзеяння, накіраваных на дасягненне сацыяльных мэтаў. Петэр Дэтмар адзначыў, што сфера адукацыі — гэта адзін з самых эфектыўных інструментаў для білатэральнага супрацоўніцтва. Асаблівая ўвага была надзелена сiстэме грантаў для школьнікаў і студэнтаў, якія вывучаюць нямецкую мову.
Адказваючы на пытанні эканамічнага блока, Петэр Дэтмар, акрамя ўсяго іншага, звярнуў увагу на недахоп эфектыўных маркетынгавых стратэгій, які характэрны для большасці беларускіх прадпрыемстваў. Падобную праблему, па словах дыпламата, можна назіраць і ў адносінах да рэалізуемай канцэпцыі краінавага маркетынгу. Фарміраванне акадэмічнай базы, якая забяспечыла б магчымасць распрацоўваць эфектыўны інструментарый па ліквідацыі дадзеных дэфіцытаў як у эканоміцы асобных прадпрыемстваў, так і на ўзроўні дзяржаўнага кіравання, які вызначае эканамічную палітыку краіны ў цэлым, магло б стаць годным выклікам для выбудоўвання адпаведнага мэтапакладання ў арганізацыі вучэбнай і навуковай працы як на самым факультэце міжнародных адносін, так і ў іншых навучальных установах Беларусі, дзе рэалізуюцца праграмы падрыхтоўкі спецыялістаў эканамічнага профілю.
У размове таксама быў падкрэслены патэнцыял культурнага і гістарычнага дыялогу паміж дзвюма краінамі. Культурны дыялог як вектар міждзяржаўных адносін становіцца вызначальным фактарам як у фарміраванні станоўчага вобразу краіны, так і для трансфармацыі адносін паміж народамі ў пазітыўным ключы. Садзейнічанне развіццю культурных сувязяў стварае спрыяльныя перадумовы для інтэнсіфікацыі супрацоўніцтва ў розных галінах і, будучы найбольш натуральнымі для чалавечых адносін, з'яўляецца адным з самых эфектыўных інструментаў прасоўвання нацыянальных інтарэсаў любой дзяржавы. У якасці прыкладу былі прыведзены так званыя Тыдні Германіі ў Рэспубліцы Беларусь, якія арганізуюцца штогод Інстытутам ім. Гётэ ў Мінску пры падтрымцы Пасольства Германіі і якія сумесна з беларускімі партнёрамі праводзіліся ў мінулым годзе ўжо ў пятнаццаты раз і, такім чынам, набылі традыцыйны характар.
Кіраўніцтва факультэта міжнародных адносін выказвае глыбокую ўдзячнасць і падзяку спадару Петэру Дэтмару, Надзвычайнаму і Паўнамоцнау Паслу Федэратыўнай Рэспублікі Германія ў Рэспубліцы Беларусь, за магчымасць правядзення гэтай сустрэчы для студэнтаў факультэта на тэрыторыі Пасольства і за адкрытую цікавую гутарку, праведзеную са студэнтамі-міжнароднікамі, якія прымаюць удзел у вышэй названым міжнародным праекце.
Алёна Дудкова, студэнта 3 курса спецыяльнасці "Сусветная эканоміка"
Каардынатар праекта — С. В. Палічэнкаў, старшы выкладчык кафедры германскіх моў
